भुसावळातील प्रभाग क्रमांक 10 मध्ये आज आमदार संजय सावकारे यांची प्रचार रॅली
भुसावळ (14 नोव्हेंबर 2024) : भुसावळ विधानसभा निवडणुकीतील महायुतीचे उमेदवार आमदार संजय सावकारे यांनी भुसावळसह तालुक्यात प्रचार दौर्‍याला वेग दिला आहे. शहरासह तालुक्यातील मतदारसंघ त्यांनी पिंजून काढत मतदारांच्या गाठी-भेटी घेत प्रचार रॅली काढली आहे. भुसावळ शहरातील विठ्ठल मंदिर वॉर्डात त्यांची प्रचार रॅली गुरुवार, 14 रोजी सायंकाळी पाच वाजता निघणार आहे.
आमदार विजयी होणार कार्यकर्त्यांना विश्वास
आमदार सावकारे सलग चौथ्यांदा या निवडणुकीत विजयी होतील, असा विश्वास भाजपा कार्यकर्त्यांना आहे. विकासकामांच्या जोरावर आमदार निवडणुकीला सामोरे जात असून जनतेचा कौल निश्चितपणे त्यांच्या बाजूने असेल, असे यावेळी उद्योजक मनोज बियाणी, माजी नगराध्यक्ष युवराज लोणारी म्हणाले.
रॅलीत सहभागाचे आवाहन
विठ्ठल मंदिर वॉर्डात आमदार संजय सवकारे यांची गुरुवारी सायंकाळी प्रचार रॅली निघणार असून सहभागाचे आवाहन उद्योजक मनोज बियाणी, माजी नगराध्यक्ष युवराज लोणारी, माजी नगरसेवक प्रा.दिनेश राठी, अजय भोळे, देवाप वाणी, नीळकंठ भारंबे, सुहास फालक, वासुदेव बोंडे, किरण महाजन, गोविंदा ढाके, किरण कोलते, अ‍ॅड.बोधराज चौधरी, परीक्षीत बर्‍हाटे, पिंटू कोठारी, पिंटू ठाकूर यांच्यासह महायुतीतील पदाधिकार्‍यांनी केले आहे.
