जयश्रीताईंच्या परिवर्तनाच्या लाटेत विरोधक भुईसपाट होतीलच ; जळगावकरांना विश्वास

जळगाव (14 नोव्हेंबर 2024) : जळगाव शहर विधानसभा मतदारसंघातील शिवसेना (उद्धव बाळासाहेब ठाकरे गट) च्या अधिकृत उमेदवार जयश्री महाजन यांच्या प्रचार रॅलीला वाल्मीक नगर परिसरात उत्स्फूर्त प्रतिसाद मिळाला. जनतेतून महाजन यांच्याबद्दल वाढलेला आशावाद व त्यांच्याकडे परिवर्तनाची अपेक्षा पाहायला मिळत आहे.

पदाधिकारी व कार्यकर्त्यांचा सहभाग
गुरुवारी दुपारी झालेल्या या रॅलीला सुरुवात करताना जयश्री महाजन यांनी रामायण महाकाव्याचे रचयिता महर्षी वाल्मीक ऋषींना नतमस्तक होऊन अभिवादन केले, ज्यामुळे परिसरातील जनतेत एकात्मता व आदराची भावना दिसून आली. त्यानंतर महाजन यांच्या नेतृत्वाखाली ही रॅली सुरू झाली, ज्यामध्ये शिवसेनेचे प्रमुख पदाधिकारी, कार्यकर्ते, व नागरिकांनी मोठ्या संख्येने सहभाग घेतला.

सामान्यांचे जीवन सुखकर बनवण्यासाठी निवडणूक रिंगणात : जयश्री महाजन
जयश्री महाजन यांनी आपल्या भाषणात जनतेला भेडसावणार्‍या समस्यांविषयी आपली जाणीव व्यक्त केली. सामान्य जनतेचे जीवन सुखकर बनविण्यासाठी मी निवडणुकीच्या रिंगणात उतरली आहे. मी लोकांच्या रोजच्या जीवनातील छोटे-मोठे प्रश्न समजून घेऊन त्यावर कायमस्वरूपी उपाय योजना करणार आहे, असे त्यांनी सांगितले. तसेच, लोकांच्या अपेक्षा पूर्ण करण्यासाठी आपण संकल्पबद्ध असल्याचे त्यांनी नमूद केले. शिवसेना सदैव जनतेच्या भल्यासाठी कार्यरत राहील, असेही त्यांनी स्पष्ट केले.

विरोधक होणार भुईसपाट !
रॅलीत सहभाग घेतलेल्या कार्यकर्त्यांनी जयश्री महाजन यांच्याबद्दल मोठा उत्साह व्यक्त केला. जयश्रीताईंची लाट विरोधकांना भुईसपाट करेल, असा आत्मविश्वास कार्यकर्त्यांमध्ये दिसून येत आहे. रॅली दरम्यान कार्यकर्त्यांनी जोरदार घोषणा देत महाजन यांच्या विजयाचा विश्वास व्यक्त केला.
या प्रचार रॅलीत शिवसेनेचे पदाधिकारी आणि कार्यकर्त्यांनी मोठ्या संख्येने सहभाग घेतला. शिवसेना नेते विजय बांदल, विजय राठोड, यश उपाध्ये, सागर उपाध्ये, पंकज व्यास, संजय सांगळे यांसह महिला आघाडीच्या महानगर प्रमुख मनीषा पाटील, उपमहानगरप्रमुख निता सांगोळे, तसेच जया तिवारी आदी प्रमुख कार्यकर्त्यांनी रॅलीत भाग घेतला. शिवाय महाविकास आघाडीचे अन्य नेते आणि जळगाव शहरातील नागरिक देखील मोठ्या संख्येने उपस्थित होते.
महाजन यांच्या प्रचार रॅलीमध्ये उगवत्या सूर्याचा तेज पाहायला मिळत असल्याची चर्चा परिसरात रंगली आहे. रॅलीत सहभागी झालेल्या नागरिकांनी देखील महाजन यांच्या निवडणुकीत विजयासाठी शुभेच्छा दिल्या. या प्रचाराद्वारे शिवसेनेने जळगाव विधानसभा मतदारसंघातील प्रचारात आघाडी घेतल्याचे दिसत आहे.

जयश्री महाजन यांच्या प्रचार रॅलीला मिळालेल्या प्रतिसादाने विरोधकांसमोर एक मोठे आव्हान उभे राहिले असून, मतदारांमध्ये महाजन यांच्या बद्दलची सकारात्मकता आणि अपेक्षा वाढत असल्याचे चित्र आहे.

यांचा प्रचार रॅलीत सहभाग
या प्रचार रॅलीत शिवसेनेचे पदाधिकारी आणि कार्यकर्त्यांनी मोठ्या संख्येने सहभाग घेतला. शिवसेना नेते विजय बांदल, विजय राठोड, यश उपाध्ये, सागर उपाध्ये, पंकज व्यास, संजय सांगळे यांसह महिला आघाडीच्या महानगर प्रमुख मनीषा पाटील, उपमहानगरप्रमुख निता सांगोळे, तसेच जया तिवारी आदी प्रमुख कार्यकर्त्यांनी रॅलीत भाग घेतला. शिवाय महाविकास आघाडीचे अन्य नेते आणि जळगाव शहरातील नागरिक देखील मोठ्या संख्येने उपस्थित होते.