भुसावळातील प्रभाग क्रमांक 12 व 22 मध्ये आमदार संजय सावकारे यांची उद्या प्रचार रॅली

भुसावळ (15 नोव्हेंबर 2024) :  भुसावळ विधानसभा निवडणुकीतील महायुतीचे उमेदवार संजय सावकारे यांनी उमेदवारी जाहीर होताच मतदारसंघ पिंजून काढण्यास सुरूवात केली आहे. शहरातील विविध भागात त्यांच्या प्रचार रॅली सुरू असून नागरिकांकडून त्यांना मोठा प्रतिसाद मिळत आहे. शनिवार, 16 रोजी त्यांची शहरातील प्रभाग 12 व 22 मध्ये प्रचार रॅली निघणार आहे.

प्रभाग क्रमांक 12 मध्ये प्रचार रॅली
भुसावळ शहरातील प्रभाग क्रमांक 12 मध्ये आमदार संजय सावकारे यांची सकाळी 10 वाजता प्रचार रॅली निघणार आहे. सकाळी दहा वाजता महामानव डॉक्टर बाबासाहेब आंबेडकर व छत्रपती शिवाजी महाराज यांच्या पुतळ्याला अभिवादन करून प्रचार रॅलीला सुरुवात होईल. महायुतीतील सर्व पदाधिकारी व कार्यकर्त्यांनी उपस्थिती द्यावी, असे आवाहन भाजपचे माजी नगरसेवक राजेंद्र आवटे, मोंटू अग्रवाल, आकाश अग्रवाल, गौरव वाघ व भाजपातर्फे करण्यात आले आहे.

उद्या दुपारी खडका रोड भागात रॅली
शुक्रवारी दुपारी तीन ते पाच दरम्यान शहरातील जाम मोहल्ला, खडका रोड भागात आमदार संजय सावकारे यांची प्रचार रॅली निघणार आहे.

प्रभाग 22 मध्ये सायंकाळी प्रचार रॅली
शहरातील प्रभाग क्रमांक 22 मध्ये आमदार संजय सावकारे यांची प्रचार रॅली सायंकाळी पाच वाजता काढण्यात येणार आहे. महायुतीतील सर्व पदाधिकारी व कार्यकर्त्यांनी उपस्थिती द्यावी, असे आवाहन माजी नगरसेवक किरण कोलते व भाजपातर्फे करण्यात आले आहे.