भुसावळात उद्या प्रभाग क्रमांक 13 मध्ये महायुतीचे उमेदवार आमदार संजय सावकारे यांचा प्रचार दौरा
भुसावळ (16 नोव्हेंबर 2024) : भुसावळ विधानसभा निवडणुकीतील महायुतीचे उमेदवार आमदार संजय सावकारे यांच्या प्रचारार्थ शहरातील प्रभाग क्रमांक 13 मध्ये रविवार, 17 नोव्हेंबर रोजी सकाळी दहा वाजता प्रचार दौरा होणार आहे. माजी नगरसेवक राजेंद्र आवटे यांच्या गांधी नगरातील घराजवळून प्रचार दौर्‍याला प्रारंभ होईल.
भाजपा पदाधिकार्‍यांकडून उपस्थितीचे आवाहन
महायुतीतील सर्व पदाधिकार्‍यांनी उपस्थिती द्यावी, असे आवाहन महायुतीतील पदाधिकार्‍यांसह माजी नगरसेवक राजेंद्र आवटे, उद्योजक मनोज बियाणी, हॉटेल खालसा पंजाबचे संचालक सारंगधर (छोटूभाऊ) पाटील, युवा मोर्चा खजिनदार मनीष सारंगधर पाटील, भाजपा उत्तर भारतीय आघाडी जिल्हाध्यक्ष राजेश यादव, उत्तर भारतीय आघाडी भुसावळ शहराध्यक्ष वेदजी ओझा, वाहतूक आघाडीचे शहराध्यक्ष नरेंद्र भैय्या यादव, रवींद्र लेकूरवाळे, सुनील पाटील, लाजरस मनी, अंकुश वावरे, जितेंद्र डहाके, सुनील पाटील, शिव कैथवास, किशोर टोके, भाजपा वॉर्ड अध्यक्ष संध्याताई चंदेल, आदींसह पदाधिकारी व कार्यकर्त्यांनी केले आहे.
प्रचाराला वेग : विविध समाजाकडून पाठींबा
आमदार संजय सावकारे यांनी निवडणुकीच्या अनुषंगाने प्रचाराला वेग दिला असून शहरातील विविध समाजाकडून त्यांना पाठिंबा देण्यात येत आहे.
