धुळे तालुका पोलिसांची मोठी कामगिरी : खान्देशासह मालेगावातून दहा दुचाकी चोरणार्‍या महिंदळेतील चोरड्याला बेड्या

तीन गुन्ह्यांची उकल : चेसीस क्रमांकावरून मालकाचा शोध


Dhule taluka police’s big achievement : Mahindale thief who stole ten two-wheelers from Khandesha and Malegaon arrested धुळे (24 डिसेंबर 2024) : धुळे तालुका पोलिसांनी गोपनीय माहितीच्या आधारे, महिंदळे, ता.धुळे येथील अट्टल दुचाकी चोरट्याला अटक केली असून त्याच्याकडून मालेगावसह खान्देशातून चोरी केलेल्या तब्बल दहा दुचाकी जप्त केल्या आहेत. आरोपीचे आणखी काही साथीदार असल्याबाबत तपास सुरू असून चार लाख 10 हजार रुपये किंमतीच्या दुचाकी जप्त करण्यात आल्या. प्रदीप मधुकर सैंदाणे (35, महिंदळे, ता.धुळे) असे अटकेतील आरोपीचे नाव आहे.

गोपनीय माहितीवरून कारवाई
आरोपी प्रदीप सैंदाणेविरोधात धुळे तालुका पोलिसात गुन्हा दाखल असून तपासादरम्यान 30 हजार रुपये किंमतीची दुचाकी (एम.एच.18 बी.टी.3507) जप्त करून गुन्ह्याची उकल करण्यात आली. पोलीस कोठडीत आरोपीने चोरी केलेल्या दहा दुचाकी काढून दिल्या. नंदुरबार, जळगाव जिल्हापेठ व मालेगाव येथे दाखल असलेल्या गुन्ह्याची उकल झाली तर अन्य दुचाकी नंदुरबार, जळगाव, मालेगाव येथील गुन्ह्यात हस्तांतराची प्रक्रिया सुरू आहे.






यांनी केली कारवाई
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, पोलीस उपअधीक्षक संजय बंबाळे यांच्या मार्गदर्शनाखाली धुळे तालुका पोलीस निरीक्षक अभिषेक पाटील, पोलीस उपनिरीक्षक अनिल महाजन, हवालदार किशोर खैरनार, हवालदार मनोज बाविस्कर, कॉन्स्टेबल सखाराम खांडेकर, कॉन्स्टेबल कुणाल शिंगाणे, कॉन्स्टेबल राकेश मोरे, कॉन्स्टेबल रवींद्र सोनवणे, कॉन्स्टेबल राहुल देवरे, कॉन्स्टेबल महेंद्र गिरासे आदींच्या पथकाने केली.



मेहनत कर, मेहनत ! कॉपी पेस्ट करू नको !