भुसावळ (1 जानेवारी 2025) : दादासाहेब आर.जी.झांबरे माध्यमिक विद्यालयात पर्यवेक्षक एस.डी.बावस्कर यांच्या मार्गदर्शनाखाली महाबली क्रीडा मंडळ व दादासाहेब आर.जी.झांबरे माध्य विद्यालयाच्या संयुक्त विद्यमाने आंतरवर्गीय कबड्डी स्पर्धा झाल्या. महाबली क्रीडा मंडळाचे अध्यक्ष प्रदीप नंदकिशोर महाजन यांनी विद्यार्थ्यांना मार्गदर्शन केले. स्पर्धामधे 10 संघानी भाग घेतला. साखळी व बाद पद्धतीने स्पर्धा झाली.
दहावी अ संघ विजयी
अंतीम सामना 10 अ विरुद्ध 10 ब असा होवून बरोबरीत सुटला तर शेवटी पाच मिनिटांच्या चुरसीच्या लढाईत 10 वी अ चा संघ विजयी ठरला तर लहान गटात 7 वी विरुद्ध 6 वी यात झालेल्या अंतिम सामन्यात 6 वी च्या संघाने विजय संपादन केला. विजयी संघाना प्रदीप महाजन यांनी शाळेची दप्तरे तर उपविजयी संघास पॅड दिले. महाबली क्रीडा मंडळाचे सदस्य संजय पाटील, आजी-माजी खेळाडू गणेश लोहार, चेतन लोहार, विक्की खंडारे, संकेत माने, मनीष अहिरे, देवांग पाटील, समर तायडे, टीकाराम पाटील, कुणाल माळी, विलास कोळी, शुभम कोळी, विशाल कोळी, संतोष पवार, वेदांत ठोसर, भूषण गवळे, देवा भोई, रितेश भोई यांनी पंच म्हणून काम पाहिले.
