भाजपा सदस्यत्व लोकांच्या हृदयात स्थान देण्याचा एक महत्त्वपूर्ण मार्ग : आमदार अमोल जावळे

यावल (2 जानेवारी 2025) : भारतीय जनता पार्टीची ताकद तिच्या कार्यकर्त्यांमध्ये आहे. आपल्याला या महत्त्वाच्या काळात एकत्र येऊन अधिकाधिक सदस्यांची नोंदणी करण्याची आवश्यकता आहे. प्रत्येक नागरिकाला भारतीय जनता पार्टीच्या विचारधारेशी जोडून, देशाच्या विकासासाठी एकत्रीतपणे काम करण्याची संधी दिली पाहिजे. सदस्यता नोंदणी फक्त संख्या वाढविण्याचा प्रयत्न नाही, तर आपल्या विचारधारेला आणि विकासाच्या कार्याला लोकांच्या हृदयात स्थान देण्याचा एक महत्त्वपूर्ण मार्ग आहे. आपली ही कडी अधिक मजबूत होईल, आणि आपण एक सशक्त संघटन तयार करू, जे सर्व लोकांच्या कल्याणासाठी कार्यरत असेल. अश्या भावना या प्रसंगी आमदार अमोल जावळे यांनी व्यक्त केल्या.

संघटन मजबूत करण्याचा निर्णय
सखाराम महाजन पतसंस्था डॉ.हेडगेवार सभागृह, भालोद येथे भारतीय जनता पक्षाच्या सदस्यता नोंदणी अभियानांतर्गत रावेर विधानसभा मतदारसंघातील यावल मंडळाची मंडळस्तरीय बैठकीप्रसंगी ते बोलत होते. यावेळी आगामी स्थानिक स्वराज्य निवडणुकीसाठी पक्षाचे संघटन अधिक मजबूत करून तयारी करण्याचा निर्धार व्यक्त करण्यात आला.
बैठकीत नमो अ‍ॅपवरील सदस्यता लिंक किंवा 8800002024 या क्रमांकावर मिस्ड कॉल देऊन जास्तीत-जास्त नागरिकांना पक्षाशी जोडण्याचे उद्दिष्ट निश्चित करण्यात आले आहे. घदछछ9घ हा रेफरल कोड वापरून सदस्यता नोंदणी प्रक्रिया पूर्ण करण्याचे मार्गदर्शन करण्यात आले.

यांची बैठकीस उपस्थिती
बैठकीस जिल्हा उपाध्यक्ष शरद महाजन, जिल्हा उपाध्यक्ष हिरालाल चौधरी, डॉ.कुंदन फेगडे, किसान मोर्चा जिल्हाध्यक्ष नारायण बापू चौधरी, यावल मंडळ अध्यक्ष उमेश फेगडे, तालुका सरचिटणीस विलास चौधरी, उज्जैनसिंग राजपूत, भरत महाजन, तालुका महिला आघाडी अध्यक्ष जयश्री चौधरी, जि.प सदस्य सविता भालेराव, बाजार समिती सभापती राकेश फेगडे, बहुजन आघाडीचे नागेश्वर सावळे, पुरोजीत चौधरी, युवा मोर्चा तालुकाध्यक्ष सागर कोळी, जिल्हा दूध फेडरेशन संचालक नितीन चौधरी यासह भारतीय जनता पक्षाच्या सर्व आघाड्यांचे सन्माननीय जिल्हा व मंडळ पदाधिकारी, कार्यकर्ता बंधू-भगिनी, लोकप्रतिनिधी, शक्ती केंद्र प्रमुख आणि बूथ केंद्र प्रमुख मोठ्या संख्येने उपस्थित होते. बैठकीदरम्यान, आगामी निवडणुकांमध्ये पक्षाचे संघटन अधिक सक्षम आणि प्रभावी बनवण्याचा निर्धार व्यक्त करण्यात आला.