शिरपूर तालुका पोलिसांची मोठी कामगिरी : 19 लाखांची प्रतिबंधीत सुगंधी तंबाखू जप्त
परप्रांतीय चालकाला बेड्या : गुटखा तस्करी पुन्हा ऐरणीवर
Shirpur Taluka Police’s big achievement: Banned flavored tobacco worth Rs 19 lakh seized शिरपूर (4 जानेवारी 2025) : शिरपूर तालुका पोलिसांनी प्रतिबंधीत तंबाखूची वाहतूक रोखत कंटेनर जप्त केला आहे. याप्रकरणी परप्रांतीय चालकाला बेड्या ठोकत वाहनातील 18 लाख 60 हजारांची प्रतिबंधीत तंबाखू जप्त करण्यात आली. शिरपूर महामार्गावरील ओम साईराम ढाब्याजवळ 3 जानेवारी 2025 रोजी पहाटे ही कारवाई करण्यात आली.
गोपनीय माहितीवरून कारवाई
शिरपूर तालुक्याचे पोलीस निरीक्षक जयपाल हिरे यांना मुंबई-आग्रा राष्ट्रीय महामार्गावरील ओम साईराम ढाब्याजवळ कंटेनर (एन.एल.01 ए.एच.5988) हा संशयास्पद स्थितीत उभा असल्याची गोपनीय माहिती मिळाल्यानंतर त्यांनी पथकाला निर्देश दिले. शुक्रवार, 3 जानेवारी रोजी पहाटे पाच वाजता पथकाने कारवाई करीत वाहनाची तपासणी केली असता 18 लाख 60 हजार रुपये किंमतीची कागदी खोक्यात आणि गोणीत पॅक हंस छाप तंबाखू आढळली तसेच 15 लाख रुपये किंमतीचा कंटेनर जप्त करण्यात आला. कंटेनर चालक साऊद फरमीन खान (22, रा.सारेकलान, ता.तिजारा, जि.अलवर, राज्य राजस्थान) यास अटक करण्यात आली असून त्याच्याविरोधात शिरपूर तालुका पोलीस ठाण्यात गुन्हा दाखल करण्यात आला. तपास पीएसआय सुनील वसावे करीत आहे.
यांनी केली कारवाई
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, पोलीस उपअधीक्षक सुनील गोसावी यांच्या मार्गदर्शनाखाली शिरपूर तालुका पोलीस निरीक्षक जयपाल हिरे, उपनिरीक्षक सुनील वसावे, हवालदार संतोष पाटील, हवालदार संदीप ठाकरे, कॉन्स्टेबल योगेश मोरे, संजय भोई, स्वप्नील बांगर, जयेश मोरे, सुनील पवार, भूषण पाटील, चालक अल्ताफ मिर्झा, धनराज गोपाळ, इसरार फारुकी, सागर कासार आदींच्या पथकाने केली.
