धुळे गुन्हे शाखेची मोठी कामगिरी : वरणगावातील बनावट पत्त्यावर होणारी बायोडिझेलची वाहतूक रोखली ; टँकर जप्त
धुळे (13 जानेवारी 2025) : धुळे स्थानिक गुन्हे शाखेच्या पथकाने गोपनीय माहितीद्वारे चाळीसगाव रोड चौफुलीजवळ वरणगावातील बनावट पत्त्यावर पाठविण्यात येणार्‍या बायोडिझेलच्या टँकरला रोखले. या प्रकारानंतर जिल्ह्यातील बायोडिझेलचा प्रश्न पुन्हा ऐरणीवर आला आहे.
काय आहे नेमके प्रकरण
गुजरातमधील कच्छ येथून जळगावकडे बायोडिझेलने भरून जाणार्‍या या टँकरला स्थानिक गुन्हे शाखेच्या पथकाने धुळ्यातील चाळीसगाव चौफुलीजवळ थांबवत चालकाची चौकशी केली. पोलिसांनी टँकर चालकास ताब्यात घेऊन त्याची कसून चौकशी केली. त्याने वरणगाव येथील मुक्ताई रोडवरील बनावट पत्त्यावरील बॉन-बॉन फर्मकडे हा माल पोहोचविण्यात येत असल्याचे स्पष्ट केले आहे. पोलिसांनी तपास केला हा फर्म अस्तित्वात नसल्याचे उघडकीस आले चालकाकडे बनावट ई-वे बिल आणि टॅक्स इन्व्हाइस तयार करून ही वाहतूक केली जात असल्याचे पोलीस तपासात उघडत झाले आहे.
