Bhandara Ordnance Factory Explosion भंडारा हादरले : ऑर्डनन्स फॅक्टरी स्फोटात 8 ठार : मृताचा आकडा वाढण्याची भीती
Bhandara Ordnance Factory Explosion in Ordnance Manufacturing Company, 5 killed, death toll feared to rise न्यूज नेटवर्क । भंडारा (24 जानेवारी 2025) : भंडार्‍यातील जवाहरनगर येथील आयुध निर्माण कारखान्यात स्फोट होवून त्यात 8 कामगार ठार झाले आहेत. मृतांचा आकडा वाढण्याची शक्तया वर्तवली जात आहे. शुक्रवारी सकाळी 11 वाजता ही घटना घडली. स्फोटाचे हादरे दूरपर्यंत जाणवले मात्र स्फोटाचे कारण समोर आलेले नाही.
काय घडले नेमके
भंडार्‍यानजीक जवाहरनगराजवळ आयुध निर्माण फॅक्टरीत शुक्रवारी सकाळी कामगार काम करीत असताना 11 वाजेच्या सुमारास मोठा स्फोट झाला व त्यात पाच कामगारांचा मृत्यू झाल्याची प्राथमिक माहिती विधानसभेचे विरोधी पक्ष नेते विजय वडेट्टीवार यांनी दिली तर या दुर्घटनेत मृतांचा आकडा वाढण्याची शक्यता वर्तवली जात आहे.
जखमींना तातडीने रुग्णालयात हलवले
या स्फोटाची माहिती मिळताच पोलीस घटनास्थळी दाखल झाले. जखमींना तातडीने उपचारासाठी स्थानिक रुग्णालयात दाखल करण्यात आले. जवाहरनगरातील आयुध निर्माण कारखान्यातील सी सेक्सनमध्ये भीषण स्फोट झाला.
जवाहरनगर येथील आयुध निर्माण कारखान्यातील सी सेक्शन 23 क्रमांकाच्या इमारतीत हा भीषण स्फोट झाला.पोलीस आणि अग्निशमन दल घटनास्थळी पोहचले आहे.
