Local body elections postponed again नवी दिल्ली (28 जानेवारी2025) : राज्याच्या नजरा स्थानिक स्वराज्य संस्थांच्या निवडणुकांकडे लागल्या असताना आता या निवडणुका काही दिवसांसाठी पुन्हा लांबणीवर पडण्याची चिन्हे आहेत. मंगळवारी सर्वोच्च न्यायालयात सुनावणी अंती आता याबाबत आता पुन्हा 25 फेब्रुवारी ही तारीख देण्यात आली.
तारीख पे तारीख
जवळपास एक महिन्यानंतर ही सुनावणी होणार असल्याने स्थानिक स्वराज्य संस्थांच्या निवडणुका पुढे ढकलल्या गेल्या आहेत. एकीकडे राजकीय पक्षांनी तयारी सुरू असताना दुसरीकडे शिवसेनेकडून मुंबई महापालिका निवडणुका स्वबळावर लढण्याची घोषणा देखील केली आहे.
कोर्टाने कुठेही निवडणुकांना स्थगिती दिली नाही. पण, ओबीसी आरक्षणाचा मुद्दा रखडल्याने राज्य सरकारने सर्वोच्च न्यायालयाकडे याबाबत निर्णय घेण्याची विनंती केली होती. त्यातच, मंगळवारी यायालयात स्थानिक स्वराज्य संस्थांच्या निवडणुका घेण्यासंदर्भात काही जणांनी न्यायालयात धाव घेतली आहे. ओबीसी आरक्षण असो की नसो पण निवडणुका व्हाव्यात, अशी मागणी या याचिकाकर्त्यांनी आहे.
सर्वोच्च न्यायालयाच्या निकालावर स्थानिक स्वराज्य संस्थाच्या निवडणुकांचे भविष्य असणार आहे. यावर्षी निकाल लागण्यासाठी सरकार शर्थीचे प्रयत्न करणार आहे. राज्यातील 29 महागनरपालिका, 257 नगरपालिका, 26 जिल्हा परिषद आणि 289 पंचायत समित्यांच्या निवडणुका प्रलंबित आहेत. त्यामुळे, स्थानिक स्वराज्य संस्थांच्या निवडणुकांकडे सर्वपक्षीय कार्यकर्त्यांचे लक्ष आहे. तसेच, राजकीय पक्षांनीही मोर्चेबांधणी सुरू केली असून पक्षाचे मेळावे व बैठकांच्या माध्यमातून कार्यकर्त्यांना बळ दिलं जात आहे.
