शिरपूर तालुका पोलिसांची मोठी कारवाई : 76 लाखांच्या गांज्यासह दोघांना बेड्या
Shirpur taluka police take major action: Two arrested with marijuana worth Rs 76 lakh शिरपूर (29 जानेवारी 2025) : शिरपूर तालुका पोलिसांनी गोपनीय माहितीच्या आधारे गांजा शेतीवर कारवाई करीत तब्बल 76 लाखांचा ओला गांजा जप्त केला असून दोघा आरोपींना बेड्या ठोकल्या आहेत तर एक संशयीत पसार झाला आहे. या कारवाईने गांजा शेती करणार्यांसह तस्करांच्या गोटात प्रचंड घबराट पसरली आहे.
गोपनीय माहितीवरून कारवाई
शिरपूर तालुका पोलीस निरीक्षक जयपाल हिरे यांना बोरमळीपाडा गावाजवळ भोईटी शिवारात वनजमिनीवर संतोष ग्यानसिंग पावरा (बोरमळीपाडा (भोईटी), पो.रोहिणी, ता.शिरपूर) व रामप्रसाद हुरजी पावरा (भोईटी, ता.शिरपूर) यांनी गांजा शेती फुलवल्याची माहिती मिळताच पथकाने मंगळवारी छापेमारी करीत दोघांना बेड्या ठोकण्यात आल्या तर काही अंतरावरील वनजमिनीवर भावसिंग काशिराम पावरा (बोरमळीपाडा) यानेदेखील गांजा फुलवल्याचे समोर आल्याने तेथेही कारवाई करण्यात आली मात्र संशयीत पसार झाला. पथकाने एकूण 76 लाख रुपये किंमतीची गांज्याची हिरवी झाडे जप्त करण्यात आली. सागर ठाकुर यांच्या फिर्यादीवरुन तिघा संशयीतांविरोधात गुन्हा दाखल करण्यात आला.
यांनी केली कारवाई
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, उपविभागीय पोलीस अधिकारी सुनील गोसावी यांच्या मार्गदर्शनाखाली शिरपूर तालुका पोलीस ठाण्याचे पोलीस निरीक्षक जयपाल हिरे, पोलीस उपनिरीक्षक सुनील वसावे, कॉन्स्टेबल सागर ठाकुर, हवालदार खसावद, कॉन्स्टेबल राजु ढिसले, हवालदार संदीप ठाकरे, कॉन्स्टेबल प्रकाश भील, कॉन्स्टेबल धनराज गोपाळ, कॉन्स्टेबल मुकेश पावरा, कॉन्स्टेबल कृष्णा पावरा, चालक हवालदार अल्ताफ मिर्झा, चालक कॉन्स्टेबल इसरार फारुकी, चालक कॉन्स्टेबल मनोज पाटील आदींच्या पथकाने केली.
