यावल आगारातील 10 एस.टी.बसेसचे भाजपा पदाधिकार्यांकडून लोकार्पण
यावल (9 फेब्रुवारी 2025) : यावल एस.टी.आगारात नव्याने 10 एस.टी.बसेस प्राप्त झाल्या असून बसेसचे पूजन करीत नारळ फोडून त्यांचे लोकार्पण करण्यात आले. भाजपा पदाधिकारी, कार्यकर्त्यांच्या हस्ते लोकापर्ण सोहळा पार पडला. पूर्वी आगारात 61 बसेस होत्या व त्यातील काही बसेस नादुरुस्त झाल्यानंतर नियमित बसेफेर्या करीता तारेवरची कसरत करावी लागत होती मात्र आता नवीन बसेस मिळाल्याने आगारातील समस्या सुटली आहे.
आमदारांच्या प्रयत्नांनी मिळाल्या नवीन बस
यावल एस.टी. आगारात परिवहन मंडळाच्या वतीने व रावेर आमदार अमोल जावळे यांच्या प्रयत्नाने नवीन 10 एस.टी.बसेस प्राप्त झाल्या. आगारात दोन टप्प्यात या बसेस दाखल झाल्या व या सर्व नवीन बसेस बसचा लोकार्पण सोहळा आयोजित करण्यात आला. भाजपा वैद्यकिय आघाडीचे डॉ.कुंदन फेगडे यांच्याहस्ते नारळ फोडून कार्यक्रमास सुरवात झाली. भाजपा तालुकाध्यक्ष उमेश फेगडे, वड्री सरपंच अजय भालेराव, भाजपा शहराध्यक्ष राहुल बारी, आगार व्यवस्थापक दिलीप महाजन, निलेश गडे सह भाजपाचे पदाधिकारी, कार्यकर्ते यांच्याहस्ते बस पूजन करण्यात आले. यावल बस आगाराला महायुती सरकारतर्फे 10 नवीन एसटी बसेस उपलब्ध झाल्या त्याबद्दल आगाराकडून आभार व्यक्त करण्यात आले.
