धुळे गुन्हे शाखेची मोठी कामगिरी : महिला प्रवाशांच्या दागिण्यांवर डल्ला मारणार्या अट्टल चोरट्या महिलेला बेड्या
37 हजार रुपये किंमतीचा गोफ जप्त : गुन्हे उघडकीस येण्याची शक्यता
Dhule Crime Branch’s big achievement: A stubborn woman thief who stole jewelry from female passengers is arrested धुळे (13 फेब्रुवारी 2025) : बसमधील प्रवाशांची गर्दी पाहून त्यांच्या बॅगांसह पर्समधून महागडे सोन्याचे दागिने लांबवणार्या अट्टल महिला आरोपीला धुळे गुन्हे शाखेने अटक केली आहे. उषाबाई नारायण राक्षे (52, नुरा नगर, देवपूर, धुळे) असे अटकेतील महिलेचे नाव असून तिच्या ताब्यातून 37 हजार रुपये किंमतीचा गोफ जप्त करण्यात आला.
बसमध्ये झाली होती चोरी
रजेसिंग बंडूसिंग राजपूत (अहिल्यानगर, शिरपूर, जि.धुळे) हे पत्नीसह शिरपूर येथे जाण्यासाठी दोंडाईचा बसस्थानकातून सुरत-शिरपूर बसमध्ये गुरुवार, 6 फेब्रुवारी रोजी बसले मात्र बसमधील गर्दीचा फायदा घेत राजपूत यांच्याकडील बॅगेतून दोन तोळे वजनाचा गोफ चोरीला गेल्याचे लक्षात आल्यांनतर त्यांनी दोंडाईचा पोलिसात 74 हजार रुपये किंमतीचा गोफ चोरीची तक्रार दाखल केली.
गोपनीय माहितीवरून अटक
नगावबारी चौफुलीवर एक महिला संशयास्पदरित्या फिरत असल्याची माहिती धुळे गुन्हे शाखेचे वरिष्ठ निरीक्षक श्रीराम पवार यांना कळाल्यानंतर त्यांनी पथकाला निर्देश दिल्यांनतर महिलेला ताब्यात घेण्यात आले असता तिने गोफ चोरी केल्याची कबुली देत अर्धवट तुटलेला गोफ काढून दिला. अटकेतील आरोपी उषाबाई नारायण राक्षे (52, नुरा नगर, देवपूर, धुळे) ही अट्टल असून तिच्याविरोधात यापूर्वी पारोळा व अमळनेर, जि.जळगाव तसेच शिरपूर शहर पोलिसात गुन्हे दाखल असल्याचे समोर आले आहे.
यांनी केली कारवाई
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, पोलीस उपनिरीक्षक अमित माळी, संजय पाटील, प्रशांत चौधरी, चेतन बोरसे, भारती पटले, प्रियकां बाविस्कर, हर्षल चौधरी, विनायक खैरनार, निलेश पोतदार, सुशील शेंडे आदींच्या पथकाने केली.
