51 लाखांच्या गांजावर शिरपूर तालुका पोलिसांनी फिरवला बुलडोजर
गांजा तस्करी पुन्हा ऐरणीवर : दोघा आरोपींविरोधात गुन्हा : ओला व सुका गांजा जप्त
Shirarpur taluka police bulldozed marijuana worth Rs 51 lakh शिरपूर (16 फेब्रुवारी 2025) : शिरपूर तालुका पोलिसांनी गोपनीय माहितीच्या आधारे वनविभागाला सोबत घेत एक एकरावर गांजावर कारवाईचा बुलडोजर फिरवला. या कारवाईत सुमारे 51 लाखांचा ओला व सुका गांजा जप्त करण्यात आला. भियासिंग दिलदार पावरा (आसरापाणी, ता.शिरपूर) याच्याविरोधात गुन्हा दाखल करण्यात आला.
गोपनीय माहितीवरून कारवाई
शिरपूर तालुका पोलीस निरीक्षक जयपाल हिरे यांना आसरापाणी गावाच्या वनजमिनीत गांजा पिकवण्यात आल्याची व रात्रीतून झाडे कापून सर्व मुद्देमाल नष्ट करणार असल्याची माहिती मिळाल्यानंतर त्यांनी 14 रोजी रात्रीच शेतात धाव बंदोबस्त लावला व 15 रोजी सकाळी वनपरिक्षेत्र अधिकारी काशीराम देवरे व त्यांच्या कर्मचार्यांसह कायदेशीर कारवाई केली. यावेळी भियासिंग दिलदार पावरा याच्या शेतातून 11 लाख 27 हजार 500 रुपये किंमतीचा 112.750 किलो सुका गांजा व 40 लाख रुपये किंमतीच्या 800 किलो गांजाची ओली झाडे जप्त करण्यात आली.
अन्य कारवाईत 1200 किलो गांजा जप्त
आसरापाणीपासून पाच किलोमीटर अंतरावरील हाडाखेड गावाच्या शिवारात दशरथ रिशा पावरा (हाडाखेड, ता.शिरपूर) याच्या वनजमिनीवर गांजाची तब्बल 24 लाख रुपये किंमतीची 1200 झाडे जप्त करण्यात आली. पथक येणार असल्याची माहिती कळताच दोन्ही आरोपी पसार झाल्याने त्यांच्याविरोधात शिरपूर तालुका पोलीस ठाण्यात गुन्हा दाखल करण्यात आला.
यांनी केली कारवाई
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे, उपविभागीय पोलीस अधिकारी सुनील गोसावी यांच्या मार्गदर्शनाखाली शिरपूर तालुका पोलीस ठाण्याचे पोलीस निरीक्षक जयपाल हिरे, मनोज कचरे, हवालदार पाठक, हवालदार शिरसाठ, हवालदार बागुल, हवालदार कोळी, कॉन्स्टेबल पुरोहित, कॉन्स्टेबल गायकवाड, मुकेश पावरा, हवालदार अल्ताफ मिर्झा, चालक कॉन्स्टेबल इसरार फारुकी तसेच उपवनसंरक्षक नितीनकुमार सिंग यांच्या मार्गदर्शनाखाली वनपरिक्षेत्र अधिकारी काशीनाथ देवरे, वनपाल कपिल पाटील, दीपिका पालवे, वनरक्षक-किरण साळुंखे, राजेंद्र पाटील आदींच्या पथकाने केली.
