मुंबई (18 फेब्रुवारी 2025) : संभाजी महाराजांच्या संघर्ष जीवनावर आधारीत ‘छावा’ चित्रपट अलीकडेच रिलीज झाल्यानंतर देशभरात हा चित्रपट पाहण्यासाठी प्रेक्षकांची झुंबड उडत आहे. शोपूर्वीच तिकीटे हाऊसफुल्ल बुक होत असून पहिल्या तीन दिवसांतच छावाने 116.5 कोटींचा गल्ला गाठला असून आता 150 कोटींच्या दिशेने वाटचाल सुरू आहे. दरम्यान, ऑनलाईन प्लॅटफार्मवर मात्र चित्रपट लीक झाल्याने त्याचा कमाईवर निश्चितपणे परिणाम होणार आहे.
अनेकांनी थिटरमध्येच जाऊन सिनेमा पाहण्याचे मनाशी पक्के केले आहे. परंतू, हवी ती सीट मिळत नाहीय. तिकिटे खूप कमी दिसत आहेत. कारण सगळेच शो बुक करण्याच्या मागे लागले आहेत. संभाजी महाराजांवरील चित्रपट असल्याने तसेच स्टारकास्टही तगडी असल्याने हा चित्रपट पाहणार्‍यांची मोठी संख्या आहे.
ऑनलाईन लीक झालेल्या चित्रपटाची प्रिंट सोशल मीडियावर व्हायरल होत आहे. फिल्मीझिला, टेलिग्रामवरील चॅनलवर हा चित्रपट लीक झाला आहे. अनेकांनी पाहिला देखील असेल. यामुळे छावा चित्रपटाच्या कमाईवर मोठा परिणाम होण्याची शक्यता आहे.
छावा चित्रपटाने एकट्या सोमवारीच 24 कोटींची कमाई केली आहे. यामुळे या चित्रपटाची एकूण कमाई ही 140 कोटींवर गेली आहे. आता 150 चा टप्पा पार होण्याची शक्यता आहे. गेले चार दिवस चांगली प्रेक्षक संख्या असल्याने हा आठवडा चित्रपट हाऊस फुल चालण्याची शक्यता आहे.
’छावा’ने बॉलिवूडला 2025 वर्षाची दमदार सुरुवात करून दिली आहे तर विकीसाठी ‘छावा’ हा त्याच्या आजवरच्या सिनेमांपैकी सर्वात मोठी ओपनिंग करणारा सिनेमा ठरला आहे. इंडस्ट्री ट्रॅकर सॅकनिल्कनुसार, ‘छावा’नं पहिल्या दिवशीच तब्बल 33.1 कोटींचा गल्ला जमवला होता तर दुसर्‍या दिवशी 39.3 कोटींची कमाई केली तर सॅकनिल्कच्या पोर्टनुसार, तिसर्‍या दिवशी अर्थात रविवारी 48.5 कोटी एवढी कमाई केली आहे. अशाप्रकारे एकूण 120 कोटींच्या पार हा आकडा पोहोचला आहे. लक्ष्मण उतेकर दिग्दर्शित’छावा’चित्रपटाच्या निर्मितीसाठी 130 कोटी रुपये खर्च करण्यात आले आहेत.
