धुळे जिल्हा पोलीस अधीक्षक श्रीकांत धीवरे यांची ‘बालस्नेही पुरस्कारा’साठी निवड

हरवलेल्या बालकांचा शोध, गुन्हेगारीपासून केले परावृत्त
धुळे जिल्हा पोलीस अधीक्षक धीवरे यांची उपक्रमशील पोलीस अधीक्षक म्हणून ख्याती आहे. केवळ गुन्हेगारीचा बिमोडच नाही तर समाजापासून भरकटलेल्या अनेक बालकांना त्यांनी गुन्हेगारीपासून परावृत्त करीत समाजाच्या मुख्य प्रवाहात आणले आहे. यासाठी पोलीस स्टेशननिहाय कार्यशाळा घेण्यात आली तसेच मुख्यालयातही मान्यवरांच्या उपस्थितीत कार्यशाळा घेवून बालकांचे प्रबोधन करण्यात आले.

परिस्थितीमुळे हतबल होवून गुन्हेगारीच्या मार्गावर लागलेल्या अनेक बालकांना गुन्हेगारीपासून परावृत्त करीत अधीक्षक धीवरे यांना यशदेखील आले आहे. याशिवाय जिल्ह्यात हरवलेल्या बालकांचा शोध तसेच अपहृत बालकांची सुटकादेखील जिल्हा पोलीस दलाने केली. या सर्व कार्याची दखल घेत श्रीकांत धीवरे यांची पुरस्कारासाठी निवड करण्यात आली. पोलीस अधीक्षकांना पुरस्कार जाहीर झाल्यानंतर त्यांच्यावर सर्व क्षेत्रातून शुभेच्छांचा वर्षाव होत आहे.