धुळे गुन्हे शाखेची मोठी कारवाई : गावठी कट्टे, जिवंत काडतुसांसह धाराशीव जिल्ह्यातील गुन्हेगार जाळ्यात
Major action by Dhule Crime Branch : Criminals from Dharshiv district caught with village knives, live cartridges धुळे (5 मार्च 2025) : शिरपूरकडून धुळ्याकडे येणार्या वाहनात तीन संशयीत गावठी कट्टे आणत असल्याची माहिती धुळे गुन्हे शाखेला मिळाल्यानंतर सापळा रचून तिघांना अटक करण्यात आली. संशयीतांकडून दोन कट्टे, चार जिवंत काडतूस जप्त करण्यात आले. ही कारवाई बुधवार, 5 रोजी मुंबई-आग्रा महामार्गावरील हॉटेल मुल्लाजी समोर करण्यात आली. अटकेतील संशयीत पोलिसांच्या रेकॉर्डवरील गुन्हेगार असल्याची माहिती समोर आली आहे.
गोपनीय माहितीवरून कारवाई
धुळे गुन्हे शाखेचे वरिष्ठ निरीक्षक श्रीराम पवार यांना संशयीत गावठी कट्ट्यांसह वाहनातून येत असल्याची माहिती मिळाल्यानंतर बुधवार, 5 रोजी मुंबई-आग्रा महामार्गावरील हॉटेल मुल्लाजीसमोर नाकाबंदी करण्यात आली. संशयीत वाहन (एम.एच.04 एच.वाय.3230) आल्यानंतर संशयीतांची झडती घेतल्यानंतर त्यांच्याकडून दोन गावठी कट्टे, चार जिवंत काडतूस, दोन मोबाईल जप्त करण्यात आले. मारुती नागनाथ माने (29), नाना अंकुश मारे (35) व वाहन चालक ज्ञानेश्वर रामसिंग कदम (30, कैकाडी गल्ली, धूम, जि.धाराशीव) अशी अटकेतील आरोपींची नावे आहेत. दरम्यान, मारुती मानेविरोधात श्रींगोदा व चाकण पोलिसात तर नाना मानेविरोधात भूम, जि.धाराशीव पोलिसात चार गुन्हे दाखल आहेत. संशयीतांकडून 99 हजार रुपये किेंमतीचा मुद्देमाल जप्त करण्यात आला.
यांनी केली कारवाई
ही कारवाई धुळे पोलीस अधीक्षक श्रीकांत धीवरे, अपर पोलीस अधीक्षक किशोर काळे यांच्या मार्गदर्शनाखाली धुळे गुन्हे शाखेचे वरिष्ठ निरीक्षक श्रीराम पवार, सहाय्यक निरीक्षक श्रीकृष्ण पारधी, संजय पाटील, पवन गवळी, आरीफ पठाण, सचिन गोमसाळे, देवेंद्र ठाकूर, मयूर पाटील, राजीव गीते आदींच्या पथकाने केली.
