दोन हजारांची लाच भोवली : नरडाणा पोलीस ठाण्यातील पोलीस कॉन्स्टेबल जाळ्यात
धुळे एसीबीच्या कारवाईने खळबळ : वाहन सोडण्यासाठी मागितली लाच
Two thousand rupees bribe : Police constable of Nardana police station caught in the trap धुळे (5 मार्च 2025) : दुचाकी अपघातानंतर पोलीस ठाण्यात जप्त केलेली दुचाकी ताब्यात देण्यासाठी पाच हजारांची लाच मागून दोन हजार रुपयांची लाच स्वीकारण्याची तयारी दर्शवली होती मात्र संशयीत कर्मचार्‍याला ट्रॅप संशय आल्याने त्यावेळी लाच स्वीकारण्यात आली नाही मात्र लाच मागणीचा अहवाल आल्यानंतर नरडाणा, जि.धुळे पोलीस ठाण्यातील कर्मचार्‍यास बुधवारी अटक करण्यात आली. कॉन्स्टेबल गजू उर्फ गजेंद्र पावरा असे अटकेतील कर्मचार्‍याचे नाव आहे.
असे आहे लाच प्रकरण
32 वर्षीय तक्रारदार हे मौजे दोंदवाडा, ता.शिरपूर येथील रहिवासी आहेत. त्यांचा चुलत भाऊ तक्रारदार यांच्या मोटारसायकलने दोंदवाडे गावातून धुळे येथे जात असतांना मुंबई-आग्रा महामार्गावरील नरडाणा येथील पुलावर मोटारसायकल घसरल्याने अपघात घडला होता. अपघातानंतर दुचाकी पोलीस ठाण्यात जमा करण्यात आल्यानंतर त्यांनी पोलीस कॉन्स्टेबल पावरा यांची भेट घेतली. त्यावेळी पावरा यांनी दुचाकी सोडण्यासाठी पाच हजारांची लाच मागून दोन हजार रुपये स्वीकारण्याची दर्शवली. याबाबत 17 डिसेंबर 2024 रोजी एसीबीकडे तक्रार दिल्यानंतर पडताळणी करण्यात आल्यानंतर लाच मागणी सिद्ध झाली मात्र कर्मचार्‍याला संशय आल्याने त्याने लाच स्वीकारली नाही. एसीबीला लाच मागणीचा अहवाल प्राप्त होताच बुधवारी संशयीतास अटक करण्यात आली तसेच मोबाईल जप्त करण्यात आला. संशयीताविरोधात नरडाणा पोलिसात गुन्हा दाखल करण्यात आला.
