धडगावात सहा लाख 24 हजारांची अवैध दारू झोपडीतून जप्त

Illegal liquor worth Rs 6.24 lakh seized from a hut in Dhadgaon धडगाव (8 मार्च 2025) : धडगाव येथे एका झोपडीत अवैधरित्या मद्याचा साठा करण्यात आल्याची माहिती नंदुरबार गुन्हे शाखेचे वरिष्ठ निरीक्षक हेमंत पाटील यांना मिळाल्यानंतर पथकाने छापेमारी करीत सहा लाख 24 हजारांचा दारू साठा जप्त करण्यात आला. पोलीस येताच संशयीत पसार झाले.

गोपनीय माहितीवरून कारवाई
नंदुरबार गुन्हे शाखेचे वरिष्ठ निरीक्षक हेमंत पाटील यांना धडगाव येथील खुंटामोडीचा पितीपाडा येथे रस्त्याच्या कडेला एका झोपडीत मद्यसाठा उतरवण्यात आल्याची माहिती मिळाली होती व संशयीत चोरट्या पद्धत्तीने मद्याची विक्री करणार असल्याची माहिती मिळाल्यानंतर त्यांनी पथकाला निर्देश दिले. पोलीस पथकाने 7 रोजी छापेमारी केली. यावेळी दोघा संशयीतांना ओळखण्यात आले मात्र पोलीस येताच ते पसार झाले.