गाावठी कट्ट्यासह खेडी आव्हानेतील संशयीत एमआयडीसी पोलिसांच्या जाळ्यात

जळगाव (11 मार्च 2025) : एमआयडीसी पोलिसांनी तुषार अशोक सोनवणे (25, रा.खेडी आव्हाने, जळगाव) या संशयीताच्या ताब्यातून गावठी कट्टा व दोन जिवंत काडतूस जप्त केले. ही कारवाई जळगाव तालुक्यातील कुसुंबा येथील एका हॉटेल परिसरात करण्यात आली. एमआयडीसी पोलीस ठाण्यात आरोपीविरोधात गुन्हा दाखल करण्यात आला.

गोपनीय माहितीरून कारवाई
एमआयडीसी पोलिसांच्या गुन्हे शोध पथकातील उपनिरीक्षक चंद्रकांत धनके, कॉन्स्टेबल छगन तायडे, किरण पाटील, राहुल घेटे आदी पथकाने कुसुंबा जवळील नशिराबाद रोडकडे हॉटेल पुष्पाजवळ संशयीत गावठी कट्ट्यासह आल्याची माहिती मिळाल्यानंतर त्यांनी धाव घेत संशयीताला पकडले.

आरोपीच्या ताब्यातून 20 हजार रुपये किंमतीचा गावठी कट्टा व दोन हजार रुपये किंमतीची दोन जिवंत काडतूस तसेच 50 हजार रुपये किंमतीची होंडा शाईन दुचाकी जप्त करण्यात आली. ही कारवाई एमआयडीसी पोलीस निरीक्षक संदीप पाटील यांच्या मार्गदर्शनाखाली पोलीस पथकाने केली. तपास उपनिरीक्षक चंद्रकांत धनगे व नाईक योगेश बारी करीत आहेत.