चोरट्यांचा इमारत बांधकामाच्या साहित्यावर डल्ला : जळगावातील प्रकार

जळगाव (13 मार्च 2025) : जळगाव शहरातील बिबानगर पार्क परिसरात बांधकामाच्या ठिकाणाहून 47 हजार 500 रुपये किंमतीचे लोखंडी प्लेटा, लोखंडी पाईप आणि लोखंडी सोल्जर पट्ट्या असा मुद्देमाल चोरून नेण्यात आला. हा प्रकार मंगळवार, 11 मार्च रोजी पहाटे 3 वाजता समोर आला. या संदर्भात जळगाव तालुका पोलीस ठाण्यात अज्ञात चोरट्यांवर गुन्हा दाखल करण्यात आला.

कैलास पंडित भोळे (56, नवीन पोस्टल कॉलनी, जळगाव) इमारतीचे बांधकाम करतात. त्यांची भीमा नगर येथील बांधकामाची साईट सुरू आहे. याठिकाणी 10 मार्च ते 11 मार्च दरम्यान अज्ञात चोरट्यांनी या ठिकाणी ठेवण्यात आलेले लोखंडी प्लेटा, लोखंडी पाईप आणि लोखंडी पट्ट्या असा एकूण 47 हजार 500 रुपये किमतीचा मुद्देमाल चोरून नेला. ही घटना 11 मार्च रोजी पहाटे तीन वाजता समोर आली आहे. या संदर्भात कैलास भोळे यांनी जळगाव तालुका पोलीस ठाण्यात तक्रार दिली आहे. तपास पोलीस कॉन्स्टेबल रामकृष्ण इंगळे करीत आहे.