चार हजारात अॅपल वॉच व अडीच हजारात इअरबड्स : पोलीस निरीक्षकाच्या सतर्कतेने भामट्यांना पडल्या बेड्या
नागपूर (13 मार्च 2025) : गपूरातील सतर्क निरीक्षकामुळे युपी-दिल्लीतील टोळीला अटक करण्यात यश आले. आरोपी चक्क नागपूरातील गुन्हे शाखेच्या कार्यालयाबाहेर अॅपलच्या बनावट वॉच व ईटरफोनची विक्री करीत होते.
जैमुउद्दीन निजामखान सैफी (35, शहापूर, बुलंदशहा-उत्तरप्रदेश), नईम नूर मोहम्मद खान मलिक (30, दिल्ली) आणि मोहसीन शौकीन अहमद मलिक (31,राजीव गांधी नगर, दिल्ली) अशी अटकेतील आरोपींची नावे आहेत.
आरोपी सोमवारी सायंकाळच्या सुमारास गुन्हे शाखेच्या युनिट क्रमांक पाचच्या कार्यालयासमोर आरोपी अॅपल कंपनीचा आयफोन, वायरलेस चार्जर, वॉच व इअरबड्सची विक्री करत होते. 27 हजारांचे इअरबड्स अडीच हजारांना व 41 हजारांची अॅप्पल चार ते चार हजारांना द्यायला तयार होते. यामुळे पोलीस निरीक्षक संदीप बुवा यांना संशय आला.
त्यांनी अॅप्पलच्या प्रॉडक्टविक्रीवर लक्ष ठेवणारी कंपनी ग्रिफीन इंटेलेक्चुअल प्रॉपर्टी लि.च्या अधिकार्यांना संपर्क केला. इतक्या कमी किंमतीत प्रोडक्ट मिळणे शक्यच नसल्याचे स्पष्ट झाल्याने पोलिसांनी आरोपींना ताब्यात घेतले. दुसर्या दिवशी कंपनीचे प्रतिनिधी यशवंत मोहिते हे मुंबईवरून आले. त्यांनी प्रोडक्ट्स पाहिले असता ते नकली असल्याचे स्पष्ट झाले.
त्यांच्या तक्रारीवरून तीनही आरोपींविरोधात मानकापूर पोलीस ठाण्यात गुन्हा दाखल करण्यात आला आहे. आरोपी हे मोमीनपुरा येथील अल कादीर गेस्ट हाऊसमध्ये थांबले होते. त्यांच्याकडे 50 लाख रुपये किंमतीच्या बनावट वस्तू आढळल्या.
