18 वर्षीय तरुणीचा विनयभंग : अमळनेर तालुक्यातील प्रकार

न्युज नेटवर्क । अमळनेर (16 मार्च 2025) : अमळनेर तालुक्यातील एका गावात राहणार्‍या एका 18 वर्षीय तरूणीसोबत अश्लिल चाळे करत तिचा विनयभंग करण्यात आला तसेच पीडीतेच्या कुटुंबातील सदस्यांना मारण्याची धमकी दिल्याची घटना 14 मार्च रोजी रात्री आठ वाजता घडली आहे. याप्रकरणी शनिवार, 15 मार्च रोजी दुपारी 2 वाजता अमळनेर पोलीस ठाण्यात तीन जणांविरोधात गुन्हा दाखल करण्यात आला.

अमळनेर तालुक्यातील एका गावात 18 वर्षीय तरुणी ही आपल्या कुटुंबासह वास्तव्याला आहे. शुक्रवार, 14 मार्च रोजी रात्री 8 वाजता पिडीत तरूणी पायी जात असतांना गावात राहणारा दीपक वना मालचे याने पीडीत तरुणीचा हात पकडला व अश्लिल चाळे करत विनयभंग केला. त्यानंतर याचा जाब विचारण्यासाठी पीडीत तरुणी दीपकच्या घरी गेली असता त्यावेळी दीपकसह संगीता वना मालचे आणि वना रामा मालेचे या तिघांनी तरूणीला शिवीगाळ केली तर तिच्या घरच्यांना जीवे ठार मारण्याची धमकी दिली.

याप्रकरणी पीडीत तरुणीने अमळनेर पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून संशयित आरोपी दीपक वना मालचे, संगीता वना मालचे आणि वना रामा मालेचे या तिघांविरोधात गुन्हा दाखल करण्यात आला. तपास हवालदार संदीश पाटील करीत आहेत.