भारतीय वंशाच्या अंतराळवीर सुनीता विल्यम्स पृथ्वीवर सुखरूप परतल्या

https://x.com/ANI/status/1902118787844853772?ref_src=twsrc%5Etfw%7Ctwcamp%5Etweetembed%7Ctwterm%5E1902118787844853772%7Ctwgr%5Efb2c74aed70df32fb962d7d44124ef1d15abe820%7Ctwcon%5Es1_c10&ref_url=https%3A%2F%2Fwww.lokmat.com%2Finternational%2Ffinally-after-9-months-nasa-astronauts-sunita-williams-butch-wilmore-return-safely-on-earth-space-spacex-dragon-capsule-successfully-landed-on-the-beach-of-florida-a-a653%2F

यासंदर्भात नासाने चारही अंतराळविरांचा पृथ्वीवर परतल्यानंतरचा एक व्हिडिओ सोशल मीडिया प्लॅटफॉर्म एक्सवर शेअर केला आहे. यात स्पेस स्टेशनवरून परतलेले अंतराळवीर अभिवादन करताना दिसत आहेत. या व्हिडिओसोबत नासाने, पृथ्वीवर परतल्यानंतर क्रू 9 ची पहिली झलक आपल्याला बघायला मिळत आहे. आता रिकव्हरी पथके ड्रॅगनमधून बाहेर येण्यासाठी क्रूला मदत करतील, ही दीर्घकाळाच्या मोहिमेवरून परतल्यानंतर सर्व क्रू सदस्यांसाठी असलेली एक मानक प्रक्रिया आहे, असे लिहिले आहे.

सुनीता विल्यम्स आणि बुच विलमोर हे गेल्या 5 जून 2024 रोजी आंतरराष्ट्रीय अंतराळ स्थानकावर अथवा स्टेशनवर (आयएसएस) वर पोहोचले होते. त्यांचा हा प्रवास केवळ 8 दिवसांचाच होता मात्र काही तांत्रिक कारणांमुळे त्यांना 9 महिने तेथे थांबावे लागले. यानंतर आता ते पुन्हा पृथ्वीवर परतले आहेत. आपल्या मिशनच्या या दीर्घकाळात त्यांनी विविध प्रकारची कामे केली.

या दोघांनी साधारणपणे फुटबॉल मैदानाच्या आकाराच्या या अंतराळ स्थानकाची देखभाल आणि स्वच्छता केली. याशिवाय, त्यांनी येथील जुनी उपकरणे बदलली आणि काही वैज्ञानिक प्रयोगही केले.