गोरखपूर-बंगळूरू एक्स्प्रेसमध्ये तिकीट निरीक्षकाकडून भुसावळनजीक तरुणीचा विनयभंग
A young woman near Bhusawal was molested by a ticket inspector in the Gorakhpur-Bengaluru Express भुसावळ (26 मार्च 2025) : अप 06530 गोरखपूर-बंगळूरू एक्स्प्रेसने प्रवासी करणार्या 19 वर्षीय तरुणीचा तिकीट निरीक्षकानेच विनयभंग केल्याचा संतापजनक प्रकार 22 मार्च रोजी घडली. याप्रकरणी मनमाड लोहमार्ग पोलिसात गुन्हा दाखल करण्यात आल्याने गुन्हा भुसावळ हद्दीत घडल्याने तो भुसावळ लोहमार्ग पोलिसात वर्ग करण्यात आला. पोलिसांनी संशयीत आरोपी तथा रेल्वेतील तिकीट निरीक्षक तिवारी यास ताब्यात घेत नोटीस बजावत त्याची सुटका केली.
असे आहे प्रकरण
कानपूरातील रहिवासी असलेली 19 वर्षीय तरुणी 22 रोजी कानपूर ते पुणे असा प्रवास गोरखपूर-बंगळूरू विशेष ट्रेनने करीत होते मात्र सेकंड एसीचे तिकीट आरएसी असल्याने तिने तिकीट निरीक्षकाची भेट घेत त्यांना बर्थ देण्याची मागणी केली. गाडीतील तिकीट निरीक्षक तिवारी याने फर्स्ट एसीमध्ये पाच क्रमांक सीट दिले. तरुणी सीटवर झोपण्यासाठी गेल्यानंतर आरोपी तिकीट निरीक्षकाने तिचा विनयभंग केला तसेच पीडीता वॉश रूममध्ये गेल्यानंतरही संशयीत बाहेर थांबून राहिला. भुसावळ स्थानक येईपर्यंत हा प्रकार घडल्याने पीडीतेने वडिलांना प्रकार सांगितल्यानंतर मनमाड लोहमार्ग पोलीस ठाण्यात तक्रार दाखल करण्यात आली. हा गुन्हा भुसावळात वर्ग होताच तिकीट निरीक्षक तिवारी यास ताब्यात घेत त्याची चौकशी करीत त्यास नोटीस बजावून त्याची सुटका केली. तपास लोहमार्ग पोलीस निरीक्षक सुधीर जंजाळकर करीत आहेत.
