पुलवामानंतर सर्वात मोठा हल्ला : जम्मू-काश्मिरात अतिरेक्यांच्या हल्ल्यात 26 पर्यटक ठार
Biggest attack after Pulwama : 26 tourists killed in militant attack in Jammu and Kashmir पहलगाम (22 एप्रिल 2025) : जम्मू आणि काश्मीरमधील पहलगाममध्ये दहशतवाद्यांनी पर्यटकांवर गोळीबार केला असून यात 26 पर्यटकांचा मृत्यू झाला. मृतांमध्ये दोन महाराष्ट्रातील, एक इटालियन आणि एक इस्रायली पर्यटक यांचा समावेश आहे, तर दोघे स्थानिक नागरिक आहेत. उर्वरित पर्यटक गुजरात, महाराष्ट्र, कर्नाटक, तामिळनाडू आणि ओडिशातील आहेत.
मीडिया रिपोर्ट्सनुसार, दहशतवाद्यांनी प्रथम एका पर्यटकाला त्याचे नाव विचारले, नंतर त्याच्या डोक्यात गोळी झाडली आणि तिथे उपस्थित असलेल्या इतर पर्यटकांवर गोळीबार करत पळून गेले.
लष्कर-ए-तैयबाने या हल्ल्याची जबाबदारी स्वीकारली आहे. ही घटना पहलगामच्या बैसरन व्हॅलीमध्ये घडली, ज्यामध्ये 20 लोक जखमी झाले. त्यापैकी काही स्थानिक देखील आहेत.
फेब्रुवारी 2019 नंतर काश्मीरमध्ये झालेला हा सर्वात मोठा दहशतवादी हल्ला असू शकतो. तेव्हा पुलवामा येथे झालेल्या आत्मघाती हल्ल्यात 47 सीआरपीएफ जवान शहीद झाले होते.
या घटनेबाबत पंतप्रधान नरेंद्र मोदी यांनी सौदी अरेबियातून गृहमंत्री अमित शहा यांच्याशी फोनवरून चर्चा केल्याचे वृत्त एएनआय या वृत्तसंस्थेने दिले आहे. त्यांनी शाह यांना घटनास्थळी जाण्यास सांगितले आहे. पंतप्रधानांशी बोलल्यानंतर, शाह श्रीनगरला रवाना झाले. येथील अधिकार्‍यांसोबत उच्चस्तरीय बैठक घेणार आहे.
जखमींची नावे
1. विनो भट्ट, गुजरात
2. एस बालचंद्रू, महाराष्ट्र
3. अभिजवन राव, कर्नाटक
4. संतरू, तामिळनाडू
5. साहसी कुमारी, ओडिशा
6. डॉ. परमेश्वर
7. माणिक पाटील
8. रिनो पांडे
