Six teenagers killed as car falls into ravine रायसेन, मध्यप्रदेश (22 एप्रिल 2025) : लग्नावरून परतणारी एक टेम्पो टॅक्सी 10 फूट खोल दरीत कोसळल्याने सहा वर्‍हाडींचा मृत्यू झाला. या अपघातात वधू-वरांसह तीन जण जखमी झाले. टेम्पोमध्ये एकूण नऊ लोक होते. रायसेन जिल्ह्यातील बामोर्ही धाब्याजवळील बंदर वाली पुलावर ही घटना सोमवारी सकाळी सात वाजता टेम्पो टॅक्सी चालकाला डुलकी लागल्याने घडली.
टॅक्सी नियंत्रणाबाहेर गेली आणि 10 फूट खोल दरीत पडली. या अपघातात दोन महिला, एक मुलगी आणि तीन पुरुषांचा जागीच मृत्यू झाला. जखमींमध्ये वर, वधू आणि आणखी एक व्यक्तीचा समावेश आहे.
रायसेनचे पोलिस अधीक्षक (एसपी) पंकज पांडे यांनी दिलेल्या माहितीनुसार, प्राथमिक तपासात चालकाला झोप आल्यामुळे हा अपघात झाल्याचं समोर आलं आहे. सर्व जखमींना प्राथमिक उपचारासाठी सुलतानपूर रुग्णालयात नेण्यात आलं, तेथून त्यांना पुढील उपचारांसाठी जिल्हा रुग्णालयात पाठवण्यात आलं.
बिहारमधील सुपौल जिल्ह्यातून परतत होते. मोहनलाल कुरील, चंदा देवी, नरेंद्र, सरिता, तपस्वी आणि सुनील या लोकांचा अपघातात मृत्यू झाला आहे. जखमींमध्ये दीपक, रवी आणि संगीता यांचा समावेश आहे. पोलिसांनी गुन्हा दाखल करून तपास सुरू केला आहे.
