पहलगाममधील हल्ल्यानंतर दहशतवाद्यांची सहा घरे स्फोटाने उद्ध्वस्त
Six houses of terrorists destroyed in blast after Pahalgam attack पहलगाम (26 एप्रिल 2025) : जम्मू काश्मिरात दहशवाद्यांनी केलेल्या हल्ल्यानंतर 26 पर्यटकांचा मृत्यू ओढवला होता. या संतप्त घटनेनंतर सरकारने दहशतवाद्यांची सहा घरे स्फोटांनी उडवली आहे.
पहलगाम हल्ल्याच्या कोणत्याही निष्पक्ष चौकशीत सहभागी होण्यास पाकिस्तानचे पंतप्रधान शाहबाज शरीफ यांनी तयार असल्याचे म्हटले आहे. शरीफ म्हणाले की, पाकिस्तानची बदनामी केली जात आहे. ते म्हणाले की, प्रत्येक वेळी पाकिस्तानवर आरोप केले जातात आणि हे सहन करण्यासारखे नाही.
पाकिस्तानी पंतप्रधान तपासाबद्दल बोलत आहेत आणि दुसरीकडे पाकिस्तानी सैन्याने सलग दुसर्‍या दिवशी नियंत्रण रेषेवर गोळीबार केला. भारतीय सैन्याने याला प्रत्युत्तर दिले. नुकसानीचे कोणतेही वृत्त नाही.
दरम्यान, आतापर्यंत जम्मू-काश्मीरमध्ये 6 दहशतवाद्यांचे घर उद्ध्वस्त करण्यात आले आहे. त्राल, अनंतनाग, पुलवामा, कुलगाम आणि शोपियान येथे शोध मोहिमेदरम्यान लष्कराने ही कारवाई केली.
पहलगाम हल्ल्याच्या 3 दिवसांनंतर काश्मीर रेझिस्टन्स फ्रंटने हल्ल्याची जबाबदारी घेण्यास नकार दिला आहे. हल्ल्यानंतर टीआरएफने सर्वप्रथम जबाबदारी घेतली.
शनिवारी सकाळी गुजरातमध्ये 500 हून अधिक घुसखोरांना अटक करण्यात आली. सुरत आणि अहमदाबादमध्ये पोलिसांनी घुसखोरांवर कारवाई केली. गृहमंत्री अमित शहा यांनी शुक्रवारी मुख्यमंत्र्यांना घुसखोरांची लवकरात लवकर ओळख पटवून त्यांना त्यांच्या देशात परत पाठवण्याचे आवाहन केले.
