Pakistan’s surrender: We will not take action; Defence Minister Khawaja Asif नवी दिल्ली (7 मे 2025) : पहलगाम हल्ल्याच्या बदला एअरस्ट्राईक करीत भारताने घेतल्यानंतर जगभरातून भारताचे अभिनंदन केले जात आहे. त्यातच अस्वस्थ झालेल्या पाकिस्तानच्या संरक्षण मंत्री ख्वाजा आसीफ यांनी ‘आम्ही भारताविरुद्ध कोणतीही शत्रुत्वाची कारवाई करत नाही आहोत, आम्ही फक्त आमच्या भूमीचे रक्षण करत आहोत. भारताने पुढील कारवाई केली नाही, तर आम्हीही काहीही करणार नाही, असे म्हटले आहे.
ऑपरेशन सिंदूर अंतर्गत नऊ हल्ले
जम्मू-काश्मीरच्या पहलगाम येथे 22 एप्रिल 2025 रोजी पाकिस्तान समर्पित दहशतवाद्यांनी 26 पर्यटकांची गोळ्या घालून क्रुरपणे हत्या केली. भारताने पाकिस्तानसोबत आरपारची लढाई करावी, अशी प्रत्येक भारतीयांची भावना होती. गेल्या काही दिवसांपासून याबाबत तयारीही सुरू होती. आता अखेर भारताने त्या घटनेचा बदला घेतलाच. बुधवारी मध्यरात्री दिड नंतर भारतीय सैन्याने पाकिस्तान आणि पीओकेमधील 9 ठिकाणी ऑपरेशन सिंदूर अंतर्गत हल्ले केले. या हल्ल्यात मोस्ट वॉन्टेड मसूद अझहाच्या कुटुंबातील 14 सदस्यांचाही खात्मा झाला तर अनेक दहशतवादी ठार झाल्याची माहिती आहे.
