‘ऑपरेशन सिंदूर’ ची माहिती देण्यासाठी दोन्ही महिला अधिकारी निवडमागे जाणून घ्या सहा प्रमुख कारणे !

ऑपरेशन सिंदूर बाबात महत्त्वपूर्ण माहिती देण्यासाठी लष्कराने पत्रकार परिषद घेतली या पत्रकार परिषदेत भारतीय लष्कर आणि भारतीय हवाई दलाच्या दोन शूर महिला अधिकार्‍यांनी देशासमोर लष्करी कारवाईबद्दल महत्त्वाची माहिती सादर केली. यानंतर या महिला अधिकार्‍यांची देशभरात चर्चा आहे.

1. पत्रकार परिषदेसाठी महिला अधिकार्‍यांची निवड करण्याचा निर्णय त्यांच्या अपवादात्मक लष्करी कामगिरी आणि नेतृत्व क्षमतेची दखल घेऊन घेण्यात आला. उदाहरणार्थ, लेफ्टनंट कर्नल सोफिया कुरेशी आणि विंग कमांडर व्योमिका यांनी त्यांच्या संबंधित शाखांमध्ये महत्त्वपूर्ण योगदान दिले आहे.

2. पहलगाम दहशतवादी हल्ल्यात, बहुतेक विवाहित महिलांनी त्यांच्या पतींना त्यांच्या डोळ्यांसमोर उद्ध्वस्त होताना पाहिले. अशा परिस्थितीत, महिलांची निवड हा संदेश देखील देते की भारतीय सशस्त्र दलात महिलांचे योगदान इतरांपेक्षा कमी नाही.

3. कर्नल सोफिया कुरेशी आणि विंग कमांडर व्योमिका सिंग या एक हिंदू महिला, एक मुस्लिम महिला लष्करी अधिकार्‍यांना बोलण्याची जबाबदारी देऊन आपण एक भारत राष्ट्र म्हणून संदेश देण्यात आला कारण पहलागमध्ये लोकांची धर्म विचारुन हत्या करण्यात आली.

4. पहलगाममध्ये महिलांना सोडून पुरुषांना मारण्याची पुरुषी वर्चस्ववादी वृत्ती दिसून आली. त्या रानटी दहशतवाद्यांना आणि पाकिस्तानी लष्करालाही भारतात महिलांचा सन्मान कसा होतो हे कळावं यासाठी या महिला अधिकार्‍यांची निवड करण्यात आली.

5. पाक लष्करप्रमुख मुनीरनं सांगितलेल्या जिन्नावाला द्विराष्ट्रवाद- हिंदू-मुस्लिम एकत्र राहू शकत नाहीत या धारणेला चोख प्रत्युत्तर देणे

6. पाकिस्तान एक सेक्युलर देश असेल, असं मुहम्मद अली जिन्ना म्हणाले होते पण त्यांचं स्वप्न पूर्ण झालं नाही. भारत ते वास्तवात जगतोय हाच संदेश पाकिस्तानला देण्यासाठी या महिला अधिकार्‍यांची निवड करण्यात आली.