व्यापार्‍याला आधी दिले विष नंतर आवळला गळा : पोलिसांच्या तपासात अनैतिक संबंधातून हत्या झाल्याचे उघड
Businessman was first poisoned and then strangled : Police investigation reveals murder due to immoral relationship न्युज डेस्क । जयपूर (8 मे 2025) : व्यापार्‍याच्या अनैतिक संबंधाची कुणकुण कुटूंबाला लागल्यानंतर वाद उफाळला. त्यानंतर व्यापार्‍याने संबंध तोडण्यास प्रेयसीला सांगितल्यानंतर संतापलेल्या प्रेयसीने व्यापार्‍याची गळा आवळून व विष देवून हत्या केली मात्र हा प्रकार आत्महत्येचा भासवण्यासाठी व्यापार्‍याच्या कुटूंबाला मेसेज पाठवला मात्र तपासात हा प्रकार खुनाचा असल्याचे स्पष्ट होताच महिला प्रेयसीला अटक करण्यात आली. बरकत राठोड असे आरोपी महिलेचे व इमामुद्दीन मंसूरी (47) असे खून झालेल्या व्यापार्‍याचे नाव आहे.
काय घडले मुंबईत
मालाड पश्चिमेतील एका हॉटेलमध्ये मंसूरीचा मृतदेह आढळला होता. तपासादरम्यान आरोपी महिलेने मंसूरीची हत्या केली त्यानंतर तिने त्याच्या मोबाईलवरून कुटुंबाला आणि पोलिसांना एक मेसेज पाठवला. ज्यात पत्नीच्या त्रासाला कंटाळून आत्महत्या करत असल्याचा उल्लेख करण्यात आला. मीरा रोड भागात राहणार्‍या मंसूरी आणि बरकत राठोडचे प्रेमसंबंध होते. या अफेअरची माहिती कुटुंबाला कळली तेव्हा मंसूरीला बरकतसोबतचे संबंध तोडण्यास मजबूर करण्यात आले. मंसूरीचा मृतदेह सापडल्यानंतर तो पोस्टमोर्टमला पाठवला. त्यात त्याने विष दिल्याचे आणि गळा दाबल्याने मृत्यू झाल्याचं रिपोर्टमधून समोर आले.
