जळगावातून एकाच रात्री तीन महागड्या चारचाकींची चोरी : राजस्थानची आंतरराज्यीय टोळी गुन्हे शाखेच्या जाळ्यात
महागडी इनोव्हा क्रीस्टा जप्त : अन्य वाहनांचा लवकरच शोध लागण्याची आशा
Three expensive four-wheelers stolen from Jalgaon in a single night : Rajasthan’s interstate gang caught by Crime Branch जळगाव (8 मे 2025) : जळगाव शहरातून 7 एप्रिल 2025 रोजी मध्यरात्री तीन महागड्या वाहनांची चोरी झाली होती. समांतर तपासादरम्यान जळगाव गुन्हे शाखेने राजस्थान गाठत दोन आंतरराज्यीय गुन्हेगारांच्या मुसक्या आवळत एक इनोव्हा कार जप्त केली आहे तर दुसर्या कारचाही लवकरच ताबा मिळण्याची आशा आहे.
दोन आरोपींना अटक
जळगाव गुन्हे शाखेच्या पथकाने राजस्थानच्या जालोर एसपींची भेट घेतली व सांचोर, जि.जालोरच्या जंगलातून दोन आरोपींना चोरीच्या इनोव्हासह ताब्यात घेतले. जंगलात आरोपींनी इनोव्हा क्रीस्टा बेवारस सोडल्यानंतर जळगाव पोलिसांनी चालवत ती जळगावी आणली.
यांनी केली कारवाई
ही कारवाई जळगाव पोलीस अधीक्षक डॉ.महेश्वर रेड्डी, अपर पोलीस अधीक्षक अशोक नखाते, पोलीस उपअधीक्षक संदीप गावीत यांच्या मार्गदर्शनाखाली जळगाव गुन्हे शाखेचे पोलीस निरीक्षक बबन आव्हाड, पोलीस उपनिरीक्षक शरद बागल, एएसआय अतुल वंजारी, हवालदार हिरालाल पाटील, हवालदार विजय पाटील, चालक शिपाई महेश सोमवंशी यांच्या पथकाने केली.
