पाचोर्याच्या जवानाला कडक सॅल्यूट : लग्नाच्या तिसर्याच दिवशी देशसीमेवर रवाना
A strong salute to the jawan of Pachoriya : He left for the border on the third day of his wedding पाचोरा (8 मे 2025) : भारताच्या नंदनवनात दहशवाद्यांनी 26 पर्यटकांची हत्या केल्यानंतर भारताने पंधरा दिवसानंतर एअर स्ट्राईक करीत पाकिस्तानातील दहशतवाद्यांचे नऊ अड्डे नष्ट केले. या नंतर दोन देशात वाढलेल्या तणावाची व युद्धाची स्थिती पाहता जवानांच्या सुट्या रद्द करण्यात आल्या आहेत. पाचोरा येथे लग्नासाठी सुट्या टाकून आलेल्या जवानालाही सुटी रद्दचा मेसेज मिळताच त्याने देशसेवा प्रथम ही ब्रीद मानून लग्नानंतरच्या तिसरच्या दिवशी सीमेवर जाण्याचा निर्णय घेतला. निमलष्करी दलातील या सैन्याचे केवळ जळगाव जिल्ह्यातील पाचोराच नव्हे तर सर्व देशभरातून कौतुक होत आहे.
लग्नाच्या तिसर्याच दिवशी जवान सीमेवर
पाचोरा तालुक्यातील खेडगाव येथील जवान मनोज ज्ञानेश्वर पाटील हा लग्नानिमित्त सुटी टाकून गावी आला मात्र सर्जिकल स्ट्राईक नंतर दोन देशात युद्धस्थिती असल्याने तातडीने सैन्यातील जवानांच्या सुटी रद्द करण्यात आल्या.
नाचणखेडे (ता.पाचोरा) येथील रामचंद्र पाटील यांची कन्या यामिनी हिच्याशी 5 मे रोजी जवान मनोज यांचा थाटात विवाह पार पडला मात्र मातृभूमीची सेवा प्रथम मानून जवानाने कर्तव्यावर जाण्याचा निर्णय घेतला. त्याच्या या धाडसी निर्णयाला पत्नीसह कुटूंबियांनी सहमती दिली.
लग्नाची मनोहर स्वप्ने, आयुष्यभराच्या जोडीदारासोबत फिरण्याचे नियोजन, भविष्याबाबतच्या कल्पना, या सर्व गोड क्षणांना तिलांजली देऊन सोमवारी लग्न झालेले मनोज पाटील हे हळदीचा रंग अंगावर असतानाच कर्तव्य बजावण्यासाठी गुरुवारी सीमेवर रवाना झाले.
कुटुंबासोबत लग्नाचा आनंद साजरा होत असतानाच कर्तव्यावर जावे लागत असल्याने माझ्या मुलाचा मला अभिमान असल्याची प्रतिक्रिया मनोजच्या वडिलांनी दिली
तर देशापेक्षा मोठे काहीही नाही या कठीण परिस्थितीत देशसेवेला सर्वोच्च प्राधान्य असल्याची प्रतिक्रिया मनोज यांच्या पत्नी यामिनी यांनी दिली.
