Three women killed in tiger attack चंद्रपूर (11 मे 2025) : तेंदूची पाने गोळा करण्यासाठी जंगलात गेलेल्या तीन महिलांचा वाघाच्या हल्ल्यात मृत्यू ओढवला. चंद्रपुरात शनिवारी दुपारी ही घटना घडली.
कांताबाई चौधरी (वय, 55), त्यांची सून शुभांगी चौधरी (वय, 30) आणि सारिका शेंडे (वय, 50) अशी वाघाच्या हल्ल्यात ठार झालेल्या महिलांची नावे आहेत.
सिंदेवाहीपासून 8 किमी अंतरावर असलेल्या डोणगाव बीटच्या कंपार्टमेंट क्रमांक 1355 मध्ये या महिलांचे मृतदेह आढळले. घटनेची माहिती मिळताच वनविभागाचे कर्मचारी घटनास्थळी पोहोचले. त्यानंतर मृतदेह शवविच्छेदनासाठी जवळच्या रुग्णालयात पाठवले आणि जखमी महिलेला रुग्णालयात दाखल केले. या घटनेची तपासणी करण्यासाठी वन विभाग परिसरातील सीसीटीव्ही कॅमेर्‍याची पाहत आहे.
वडेट्टीवार म्हणाले, आमची विनंती गांभीर्याने घेतली नाही
या घटनेवर स्थानिक आमदार आणि माजी मंत्री विजय वडेट्टीवार यांनी आपली प्रतिक्रिया दिली. ’या घटनेनंतर गावकर्‍यांमध्ये संतापाची लाट उसळली आहे. या महिलांच्या मृत्युची जबाबदारी कोणाला तरी घ्यावी लागेल. आम्ही वारंवार या वाघांना दुसर्‍या ठिकाणी पाठवण्याची मागणी केली. परंतु, अधिकार्‍यांनी आमची विनंती गांभीर्याने घेतली नाही’, असा आरोप त्यानी केला.
वाघाच्या हल्ल्यात आतापर्यंत 16 जण ठार
महाराष्ट्रात वन्य प्राण्यांच्या हल्ल्यात 225 हून अधिक लोकांचा मृत्यू झाला आहे. यातील बहुतेक मृत्यू वाघांच्या हल्ल्यांमुळे झाले. चंद्रपुरात यावर्षी वाघाच्या हल्ल्यात आतापर्यंत 16 जणांचा मृत्युची नोंद करण्यात आली. गेल्या वर्षी वाघाच्या हल्ल्यात एकूण 27 लोकांना आपले प्राण गमवावे लागले. 2023 मध्ये ही संख्या 25 वर होती. 2022 मध्ये वाघाच्या हल्ल्यात सर्वाधिक 51 मृत्युची नोंद झाली.
