Nine people die in lightning strike in Odisha: ‘Yellow alert’ for the state for a week नवी दिल्ली (17 मे 2025) : महाराष्ट्रातील मान्सूनचे आगमन लवकर होण्याचे संकेत असून राज्याच्या हवामान विभागाने राज्यभरात आगामी आठवडाभर पावसाचा यलो अलर्ट दिला आहे. दरम्यान, ओडीसात पावसाने जनजीवन विस्कळीत झाले असून वीज पडल्याने जणांचा मृत्यू ओढवला आहे.
देशभरात विजांच्या कडकडाटासह पावसाची हजेरी
दुसरीकडे, उत्तर प्रदेश, हरियाणा, आसाम, बंगालचा उपसागर तसेच अरबी समुद्रात देखील हवेची द्रोणीय स्थिती निर्माण झाली आहे. सर्व भागातून येत असलेले आद्रतायुक्त वारे आणि दुपारपर्यंत उन्हामुळे निर्माण झालेले बाष्प यांच्या संयोगातून राज्यभर अवकाळी पावसाने हजेरी लावली आहे. शुक्रवारी मध्य महाराष्ट्र, कर्नाटक, तेलंगणा, आंध्र प्रदेश, ओडिशा, सिक्किम, आसाम या राज्यामध्ये मुसळधार पावसाची नोंद झाली. पश्चिम किनारपट्टी, केरळ, तामिळनाडू, पाँडिचेरी, पश्चिम बंगाल, छत्तीसगड, झारखंड, बिहार, मध्य प्रदेश, दिल्ली, पंजाब, हरियाणामध्ये विजांच्या कडकडासह पावसाचा पावसाची नोंद झाली.
ओडीसात 9 जणांचा मृत्यू
हवामान खात्याच्या म्हणण्यानुसार, शनिवारी देशातील 24 राज्यांमध्ये वादळ आणि पावसाचा इशारा देण्यात आला आहे. जम्मू-काश्मीर, राजस्थान आणि उत्तर प्रदेशातील काही भागातही उष्णतेच्या लाटेचा इशारा देण्यात आला आहे. बिहार-ओडिशातही दमट परिस्थिती निर्माण होऊ शकते. ओडिशात पाऊस आणि तीव्र उष्णतेने कहर केला आहे. शुक्रवारी वीज पडल्याने 6 महिलांसह 9 जणांचा मृत्यू झाला. काही लोक भाजलेही आहेत. घटनेच्या वेळी यातील बहुतेक लोक शेतात काम करत होते.
उद्या पुन्हा मुसळधार पाऊस
18 मे रोजी अरुणाचल, नागालँड, मणिपूर, मिझोराम, त्रिपुरा, आसाम, मेघालयात वादळाचा इशारा तर गोवा, महाराष्ट्रात हलका पाऊस व आंध्र प्रदेश, तेलंगणा, कर्नाटक, तामिळनाडू, केरळमध्ये मुसळधार पावसाची शक्यता आहे. मध्य प्रदेश, छत्तीसगड, झारखंड, ओडिशा, बिहार, पश्चिम बंगाल आणि सिक्कीममध्येही वादळ आणि वादळे येतील.
