नवी दिल्ली (10 जून 2025) : इंदूरचे कपल हनीमूनसाठी मेघालयातील शिलाँगमध्ये आल्यानंतर राजा रघुवंशीची हत्या करण्यात आली मात्र तपासात ही हत्या पत्नीनेच प्रियकराच्या माध्यमातून केल्याचे उघड झाले होते.
मेघालय पोलिसांच्या म्हणण्यानुसार पत्नी सोनम रघुवंशी हिनेच आपला प्रियकर राज कुशवाह याला हाताशी धरून राजा रघुवंशीची हत्या केल्याचं तपासात समोर आलं आहे. मध्य प्रदेश पोलिसांनी या प्रकरणी चार जणांना अटक केली असून मुख्य आरोपी सोनमला उत्तर प्रदेशातील गाजीपुर येथून ताब्यात घेण्यात आले.
सोनमने राजा रघुवंशीची हत्या करण्यासाठी प्रियकर राज कुशवाह तसेच इतर आरोपींना आर्थिक मदत आणि नोकरीचे आमिष दिल्याचं तपासात उघड झालं. सोनम रघुवंशीच्या लग्नात तिचा प्रियकर राज कुशवाहदेखील उपस्थित होता
सोनमने मधुचंद्रासाठी शिलाँग ट्रीप आखत राजा रघुवंशीला निर्जन ठिकाणी नेण्याची योजना आखली. ज्या दिवशी राजा रघुवंशीचा खून झाला त्यादिवशीचा सोनम रघुवंशीचा सीसीटीव्ही समोर आला होता. यात हेल्मेट धरण्यासाठी राजा रघुवंशी तिला बोलवत होता मात्र ती घाईघाईने कोणालातरी मेसेज करत होती. पोलिसांच्या तपासानुसार सोनम प्रियकरासह इतर दोन आरोपींसोबतही संपर्कात होती. पोलीस तपासात समोर आलेल्या माहितीनुसार सोनमनेच आपला प्रियकर राज कुशवाह याला हाताशी धरून राजा रघुवंशीची हत्या केली.
आपल्या तीन मित्रांना प्रियकर राज यांनी सुपारी देऊन हे हत्याकांड घडवल्याचे देखील समोर आलं आहे.
सोनम रघुवंशीने लग्न झाल्यानंतर पाचव्या दिवशीच राजा रघुवंशीची हत्या करण्याचा कट रचला होता. यासाठी आपल्या शाळकरी मित्रांसोबत एका कॅफेत तिने भेट घेतली होती. तिथेच राजाच्या हत्येचा प्लॅनिंग करण्यात आलं. यासाठी आरोपी प्रियकर राज कुशवाह याने आपले मित्र आकाश राजपूत आनंद कुरुमी आणि विशाल चव्हाण यांनाही हत्येच्या कटात सामील करून घेतलं. त्यानंतर आकाश आनंदाने विशालने मिळून राजाची हत्या केली.
घटनेच्या दिवशी 23 मे ला सोनम फोटोशूट करण्याच्या निमित्ताने राजाला घेऊन कोरसा परिसरात गेली. तिन्ही आरोपी हिंदीमध्ये गप्पा मारत दोघांमध्ये मिसळले. सोनमला यावेळी आरोपींनी राजा रघुवंशीची हत्या करणार नाही असं सांगितलं. ऐन वेळेस हत्या करणार नाही सांगितल्यानंतर सोनम बिथरली. तिने ऐन वेळेस डोकं चालवलं आणि मारेकर्‍यांना 20 लाख रुपयांची ऑफर दिली. एवढ्यावरच ती थांबली नाही तिने राजाच्या खिशातून 15 हजार रुपये काढले आणि त्या आरोपीला दिले. पैसे पाहून आरोपींचं पुन्हा मतपरिवर्तन झालं आणि तिघांनी मिळून राजा रघुवंशीची हत्या केली.
निर्जनस्थळी कुणी नसल्याचे पाहून सोनमने ओरडून राजाची हत्या करण्याचा सिग्नल मारेकर्‍यांना दिला. सोनवणे सिग्नल देताचाराजा सोबत गप्पा मारणार्‍या आनंद आकाश आणि विशालने सोबत आणलेली हत्यारे बाहेर काढत राजाच्या डोक्यात वार केले. अचानक हल्ला झाल्याने राजा स्वतःचा बचाव करू शकला नाही आणि धारदार शस्त्रांचा घाव बसल्याने काही कळायच्या आतच राजाचा मृत्यू झाला. यानंतर आरोपींनी जवळच असणार्‍या दीत राजाचा मृतदेह फेकला आणि तेथून पळ काढला.
