देशव्यापी संपास संरक्षण कामगारांचे समर्थन

भुसावळ (10 जुलै 2025) : केंद्रीय कर्मचारी महासंघाच्या आदेशानुसार सरकारच्या कामगार विरोधी नीतीच्या विरोधात देशव्यापी संप पुकारण्यात आला. त्याच्या समर्थन म्हणून अखिल भारतीय संरक्षण कामगार महासंघाच्या आदेशानुसार विरोध प्रदर्शन करीत एक तास उशिराने कामावर हजर होऊन संपास समर्थन करण्याचे निर्देश दिले गेले होते.

स्थानिक ऑ फॅ कामगार युनियन तर्फे सकाळी सर्व कामगार रेस्ट शेड येथे 7.30 ते 8.30 वाजेपर्यंत उपस्थिती देऊन सरकारच्या कामगार विरोधी धोरणांचा विरोध दर्शविला व एक तास कामावर उशिराने हजर झाले. सरकारच्या कामगार विरोधी नीतीच्या विरोधात घोषणाबाजी करीत निदर्शने केली, युनियनचे महासचिव कॉम दिनेश राजगिरे, अध्यक्ष आशिष मोरे, जेसिएम सदस्य नितीन पाटील यांनी सरकारचे कामगार विरोधी धोरणाबाबत आपले विचार मांडले व कामगारांच्या मागण्यांबाबत विस्तारित माहिती दिली. या प्रसंगी मजदुर युनियन इंटक ने सक्रिय सहभाग नोंदवला.