वरणगावकरांचा जल्लोष : नवीन पाणीपुरवठा योजनेचे पाणी पोहोचले

People of Varangaon rejoice : Water from the new water supply scheme has arrivedवरणगाव (13 जुलै 2025) : वरणगाव शहरवासीयांचा पाणीप्रश्न अखेर निकाली निघाला असून नवीन पाणीपुरवठा योजनेचे पाणी गावात पोहोचले आहे. गावात पाणी आल्यानंतर वरणगावकरांनी जल्लोष केला. व्हॉल्व्हमन योगेश धनगर यांचे महिलांनी औक्षण करून सत्कार केला. यावेळी बुंदी वाटून व जागोजागी फटाके फोडून आनंद व्यक्त करण्यात आला.

माजी नगराध्यक्षांच्या प्रयत्नांना यश
माजी नगराध्यक्ष सुनील काळे यांनी नगराध्यक्ष असताना 19 सप्टेंबर 2019 रोजी 24 बाय 7 अशी 25 कोटींची पाणी योजना मुख्यमंत्री देवेंद्र फडणवीस, जलसंपदा मंत्री गिरीश महाजन यांच्या अथक प्रयत्नांनी व मंत्री संजय सावकारे यांच्या सहकार्याने व कार्यकर्त्यांच्या प्रयत्नांनी मंजूर करून आणली. या योजनेच्या पूर्णत्वासाठी अनेक अडथळे आले. ते जनआंदोलनाच्या माध्यमातून पार करीत नवीन पाणी योजनेचे पाणी वरणगाव शहरात सुरू झाले आहे.