25 गुन्ह्यांचा धनी : साक्रीतील अट्टल दुचाकी चोरटे धुळ्यातील पश्चिम देवपूर पोलिसांच्या जाळ्यात

Owner of 25 crimes : A persistent two-wheeler thief from Sakri is caught by the West Devpur police in Dhule धुळे (26 जुलै 2025) : धुळ्यातील पश्चिम देवपूर पोलिसांनी गोपनीय माहितीच्या आधारे दोन अट्टल चोरट्यांना अटक केल असून दहा चोरीच्या दुचाकी जप्त केल्या आहेत. आरोपींच्या अटकेनंतर चार गुन्ह्यांची उकल झाली असून आणखी काही गुन्हे उघडकीस येण्याची शक्यता आहे. गोल्या उर्फ आदिनाथ युवराज बोरसे (24, दैठणनगर वाडीभोकर रोड, देवपूर, धुळे) व भरत सदा अहिरे (34, वस्मार, ता.साक्री) अशी अटकेतील आरोपींची नावे आहेत.

गोपनीय माहितीवरून कारवाई
सहाय्यक निरीक्षक सचिन कापडणीस यांना दुचाकी चोरट्यांबाबत माहिती मिळाल्यानंतर त्यांनी पथकाला वस्मार गावात रवाना केले व संशयीत गोल्या बोरसे यास अटक केल्यानंतर त्याने सोबत बाळगलेली दुचाकी चोरीची असल्याची कबुली दिली तसेच साथीदार भरत अहिरे याच्या माध्यमातून दुचाकी चोर्‍यांची कबुली देत तीन लाख 20 हजार रुपये किंमतीच्या 10 दुचाकी काढून दिल्या. आरोपी गोल्याविरोधात राज्यभरात तब्बल 25 गुन्हे दाखल आहेत.