Terrorists killed in Pahalgam attack जम्मू काश्मिर (28 जुलै 2025) : 26 पर्यटकांवर भ्याड हल्ला करणार्‍या पहलगाम हल्ल्यातील तीन दहशतवाद्यांना भारतीय सैन्याने यमसदनी धाडले आहे. 97 दिवसांनंतर ही कारवाई ‘ऑपरेशन महादेव’ अंतर्गत भारतीय सैन्याने केली. सोमवारी श्रीनगरमधील लिडवास परिसरात ही चकमक झाली. याबाबत चिनार कॉर्प्सने माहिती दिली असून, ही कारवाई हलगाम हल्ल्यासाठी जबाबदार असलेल्या दहशतवादी नेटवर्कविरोधात करण्यात आल्याचे सांगितले आहे.
पहलगाम हल्ल्यातील दोन दहशतवादी ठार
सूत्रांच्या माहितीनुसार, सुलेमान, यासिर आणि अली या तीन पाकिस्तानी दहशतवाद्यांचे मृतदेह मिळाले आहेत. त्यापैकी सुलेमान आणि यासिर हे पहलगाम हल्ल्यात सामील होते, अशी माहिती समोर आली आहे. तथापि, सैन्याच्या वतीने यासंदर्भात अद्याप अधिकृत पुष्टी करण्यात आलेली नाही. सध्या दहशतवाद्यांची ओळख पटवण्याची प्रक्रिया सुरू आहे.
श्रीनगरमधील दाचिगाम राष्ट्रीय उद्यानाजवळील हरवन परिसरात दहशतवादी आणि सुरक्षा दलांमध्ये चकमक सुरू झाल्याची माहिती लष्कराने दुपारी 12:30 वाजता दिली. लष्कराच्या चिनार कॉर्प्सने सोशल मीडिया प्लॅटफॉर्म ‘द’ वर लिहिले की, ऑपरेशन महादेव – ’जनरल एरिया लिडवास’ मध्ये संपर्क स्थापित झाला आहे.
चकमकीनंतर दहशतवाद्यांकडून अमेरिकन एम4 कार्बाइन, के.47 रायफल, 17 रायफल ग्रेनेड आणि इतर संशयास्पद सामग्री जप्त करण्यात आली. ऑपरेशननंतर परिसरात लष्कर आणि सुरक्षा दलांचा बंदोबस्त वाढवण्यात आला.
अधिकार्‍यांनी दिलेल्या माहितीनुसार, गुप्त माहितीच्या आधारे सकाळी शोधमोहीम सुरू करण्यात आली होती. यादरम्यान दोन वेळा गोळीबाराचा आवाज आला, त्यानंतर सुरक्षादलांनी परिसराला पूर्ण वेढा घालून दहशतवाद्यांचा खात्मा केला.
