सर्वोच्च दखल : बिहारमधील 65 लाख मतदारांची नावे वेबसाईटवर जाहीर करण्याचे आदेश
Supreme Court orders to publish names of 65 lakh voters in Bihar on website नवी दिल्ली (14 ऑगस्ट 2025) : राहुल गांधींनी निवडणूक आयोगावर मतचोरीचा आरोप केल्यानंतर बिहारच्या स्पेशल इंटेन्सिव्ह रिव्हिजनवरुनही वाद झाला व त्यानंतर विरोधकांनी सर्वोच्च न्यायालयात यासंबंधी याचिका दाखल केली. या प्रकरणाची गंभीर दखल घेत सर्वोच्च न्यायालयाने आता निवडणूक आयोगाला आदेश दिले आहेत.
बिहारमध्ये 65 लाख मतदारांची नावे मतदारयादीतून वगळण्यात आल्यानंतर मतदारांची यादी ही निवडणूक आयोगाने त्यांच्या वेबसाईटवर जाहीर करावी, असे आदेश न्यायालयाने दिले. या मतदारांना पक्षाच्या एजंट्स किंवा ब्लॉक लेव्हल अधिकार्‍याकडे चकरा मारायला लागू नयेत, त्यासाठी त्यांची माहिती ऑनलाईन जाहीर करावी असे आदेश न्यायालयाने दिले. या प्रकरणाची पुढील सुनावणी 22 ऑगस्ट रोजी होणार आहे.
सर्वोच्च आदेशाने खळबळ
प्रत्येक जिल्ह्यामध्ये वगळण्यात आलेली नावे आणि ती का वगळण्यात आली आहेत याची सविस्तर माहिती निवडणूक आयोगाने वेबसाईटवर टाकावीत असा आदेश सर्वोच्च न्यायालयाने दिला आहे.
