दहिवदला जुन्या वादातून तरुणाचा खून : आरोपी शिरपूर तालुका पोलिसांच्या जाळ्यात

Young man murdered in Dahiwad over old dispute : Accused in Shirpur taluka police net शिरपूर (20 ऑगस्ट 2025) : जुन्या वादातून दहिवद येथील एकाचा मारहाण करीत खून करण्यात आला होता. याप्रकरणी शिरपूर तालुका पोलिसात गुन्हा दाखल झाल्यानंतर आरोपीला पोलिसांनी अटक केली आहे. विनायक उर्फ बारकू काशीनाथ पाटील (37, दहिवद) असे खून झालेल्या तरुणाचे नाव आहे तर उमेश उर्फ दादू विश्वनाथ चव्हाण (28, दहिवद, ता.शिरपूर) असे अटकेतील आरोपीचे नाव आहे.

काय घडले दहिवद गावात ?
पोलिसांच्या माहितीनुसार, रुहाणी मानव केंद्राजवळ विनायक पाटील हा मृतावस्थेत पडून होता शिवाय त्याच्या नाका-तोंडातुन रक्त निघत असल्याने त्यास खाजगी अ‍ॅम्ब्युलन्सने कॉटेज हॉस्पीटल, शिरपूर येथे उपचारार्थ हलवल्यानंतर डॉक्टरांनी त्यास तपासून मयत घोषीत केले.