निजामपूर पोलिसांची मोठी कामगिरी : धुळ्यासह नंदुरबार जिल्ह्यात चोरी केलेल्या 18 दुचाकींसह अट्टल चोरटे जाळ्यात

Nizampur Police’s big achievement: 18 stolen two-wheelers caught in Dhule and Nandurbar districts निजामपूर, ता.धुळे (24 ऑगस्ट 2025) : निजामपूर पोलिसांनी दुचाकी चोरी करणार्‍या अट्टल आरोपींच्या मुसक्या आवळल्या असून त्यांच्याकडून नऊ लाख 20 हजार रुपये किंमतीच्या 18 दुचाकी जप्त केल्या आहेत. आमोदे-आगरपाडा रस्त्यावरील जोगीदेव डोंगराजवळ ही कारवाई करण्यात आली. अनिल अभिमन भिल (पवार, साळवे, ता.शिंदखेडा) व शांताराम मन्साराम मोरे (वेहेरगाव, ता.साक्री) अशी अटकेतील आरोपींची नावे आहेत. आरोपींना न्यायालयाने पाच दिवसांची पोलिस कोठडी सुनावली आहे.

गोपनीय माहितीवरून कारवाई
निजामपूर पोलिस ठाणे हद्दीत दुचाकी चोरीचे प्रमाण वाढल्यानंतर पोलिसांनी गस्त वाढवली असताना चोरट्यांची माहिती मिळाल्यानंतर त्यांच्या मुसक्या आवळण्यात आल्या तर आरोपींचे साथीदार अजय कोळी, चोख्या उर्फ सावकार कोळी (साळवे, ता.शिंदखेडा) व भुर्‍या पाटील (लोणखेडा) यांच्या मदतीने आरोपींनी 18 दुचाकी चोरी केल्याची कबुली दिल्याने या दुचाकी जप्त करण्यात आल्या मात्र साथीदार पसार होण्यात यशस्वी झाले. आरोपींनी या दुचाकी धुळ्यासह नंदुरबार जिल्ह्यातून चोरी केल्याचे स्पष्ट झाले आहे.