भुसावळात कौटूंबिक वादातून निवृत्त पोलिसाच्या खुनाचा प्रयत्न : चौघांविरोधात गुन्हा दाखल

Attempted murder of retired policeman over family dispute in Bhusawal: Case registered against four भुसावळ (27 ऑगस्ट 2025) : शहरातील विघ्नहर्ता कॉलनी, घोडेपीर दर्गा परिसरात घराच्या वादातून लोहमार्ग पोलिस ठाण्यातील निवृत्त पोलिस कर्मचार्‍याला मारहाण करत खुनाचा प्रयत्न केल्याची घटना मंगळवार, 19 ऑगस्ट रोजी रात्री 9.30 वाजता घडली. याप्रकरणी बाजारपेठ पोलिसात रविवार, 24 रोजी पाच संशयीतांविरोधात गुन्हा दाखल करण्यात आला. संशयीतांमध्ये पत्नी, मुलीसह पाच जणांविरूध्द गुन्हा दाखल केला आहे.

काय आहे नेमके प्रकरण
बाजारपेठ पोलिसांनी दिलेल्या माहितीनुसार, सुभाष शंकरराव चिखलकर (68, भुसावळ) हे निवृत्त पोलिस आहेत. ते आपल्या घरात असताना संशयीत संतोष सुखदेव अटवेकर व सखुबाई सुखदेव अटवेकर यांनी हे घर तुमचे नाही, तुम्हाला येथे राहण्याचा अधिकार नाही या कारणावरून वाद घालत लाठ्या-काठ्यांनी मारहाण केली. इतकेच नव्हे तर चिखलकर यांच्या गळा दाबून जिवे मारण्याचा प्रयत्न केला. या घटनेत फिर्यादी सुभाष चिखलकर गंभीर जखमी झाले. उपचारासाठी त्यांना दवाखान्यात दाखल करण्यात आले. वैद्यकीय अहवालाच्या आधारे बाजारपेठ पोलिसांनी गुन्हा नोंदवला.