जळगावात जन्म प्रमाणपत्र घोटाळा : किरीट सोमय्यांच्या आरोपानंतर 43 जणांविरोधात अखेर गुन्हा
Birth certificate scam in Jalgaon : After Kirit Somaiya’s allegations, a case has finally been registered against 43 people जळगाव (3 सप्टेंबर 2025) : जळगाव दौर्यावर आलेल्या भाजपा नेते किरीट सोमय्या यांनी जन्म प्रमाणपत्र घोटाळ्यावर भाष्य करीत दोषींवर पोलिसांनी गुन्हे दाखल केले नसल्याने नाराजी व्यक्त केली होती. या संदर्भात मुख्यमंत्र्यांची भेट घेणार असल्याचा इशारा त्यांनी दिला होता. यानंतर पोलिसांनी 43 जणांविरोधात गुन्हा दाखल केला आहे.
सोमय्यांची नाराजी अन पोलिसांनी दाखल केले गुन्हे
जळगाव शहरातील 43 जणांनी दोन वकिलांच्या माध्यमातून तहसीलदारांची बनावट स्वाक्षरी व शिक्का मारून दाखले घेऊन त्या
आधारे मनपाच्या जन्म-मृत्यू विभागातून जन्म दाखले घेण्यासाठी अर्ज केले होते. या प्रकरणी तीन महिन्यांपूर्वी शहर पोलिस ठाण्यात दोन्ही वकिलांविरुद्ध गुन्हा दाखल करण्यात आला. तपासात 43 जणांना पोलिस आरोपी मानण्यास तवार नसल्याबाबत सोमवारी जिल्हा दौर्यावर आलेल्या सोमय्यांनी नाराजी व्यक्त केली होती.
या आरोपींविरोधात दाखल झाला गुन्हा
संशयीतांमध्ये शिरीष बानो फारीक शाह, आरीफ खान इसा खान, बान असुदुल्ला खान हाफीज, शाह आसिफ अहमद, शमशेर बेग तुराब वेग, तौसीफ शहा जनिउल्ला शाहा, तुराब वेग गुलाब वेग, शहनाज वी. शेख मुनीर, वाहेदाबी अब्दुलगनी, अब्दुल्ला असगर अली सैय्यद, नुसरत बानो, जबीउल्ला शाहा, शाहा आयाज अहमद अब्दुल अजीज, मोहम्मद वसीम जबीमुल्ला शाहा, मोहम्मद जफर जवीउल्ला शाहा, जनीक परवीन अमानउल्ला शाहा, बिसमिल्लाह खान, शेख सलीम शेख बसीर, शेख अनीस शेख बसीर, मोहम्मद अकील शेख बसीर, मोहम्मद कलीम शेख बसीर, शरीफ नईमोद्दीन, मोहम्मद शकील शेख बसीर, अमरीन रशिद पटेल, जाकीर फकीर मोहम्मद तांबोळी, तबस्सुम परवीन मोहम्मद इकबाल, शेख मोहम्मद इकबाल अब्दुल रहीम, राहत नाज जबीउल्ला शाहा, अंजुमबी शेख फरीद, तसलीमा बी शेख यासिम, शोहरत अली शरीफ मुनसारी, शेख शानदोस शेख ईसाक, चांद मोहम्मद प्यारजी बागवान, असलम खान सादीक खान, अशफाक बुढान बागवान, कनिज रज्जाबी अब्दुलगनी, बुशरा खान मोहम्मद इस्लाउद्दीन, मोहसीन चांद मोहम्मद, निगार सुलताना हफिज खान, समीर खान आयुब खान, नसरिन बानो आयुब खान, अफजलखान अय्युब खान, नदिमखान हफिजखान.
किरीट सोमय्या यांची भूमिका
या घोटाळ्याचा धागा बांगलादेश कनेक्शनशी जोडलेला असल्याचे संकेत तपासादरम्यान समोर आले का? याबाबत पोलिसांनी काय तपास केला याकरिता किरीट सोमय्या स्वतः तपास आढावा घेत आहेत. यापूर्वी जळगाव दौर्यादरम्यान याबाबत ठोस पुरावे समोर आणले होते.
नुकतेच दोन दिवसांपूर्वी किरीट सोमय्या जळगावात आले असता, त्यांनी उर्वरित 43 जणांना अद्याप आरोपी का केले नाही त्यांच्याविरुद्ध आरोप पत्र दाखल व्हावे अशी ठाम मागणी केली होती. त्यांच्या या मागणीची शासनाने गंभीर दखल घेतली असून सर्व 43 जणांविरुद्ध गुन्हा दाखल करण्यात आला तसेच आरोपपत्र दाखल करण्याची प्रक्रिया अधिकृतरीत्या सुरू झाल्याचे सांगण्यात आले.
या आरोपींवर भारतीय दंड संहितेतील कलम 420 (फसवणूक), 406 (विश्वासघात), 467, 468, 471 (बनावट कागदपत्रे तयार करणे व वापरणे) यांसारख्या गंभीर कलमांखाली गुन्हे दाखल झाले आहेत. पोलिसांनी सविस्तर आरोपपत्र न्यायालयात दाखल करण्याची तयारी दर्शविली असून लवकरच दोषारोप पत्र न्यायालयात सादर करण्यात येणार आहे. या प्रकरणामुळे जिल्ह्यातच नव्हे तर राज्यभरात मोठी खळबळ माजली आहे. किरीट सोमय्या यांनी उघड केलेल्या या बोगस प्रमाणपत्र घोटाळ्याच्या चौकशीमुळे राष्ट्रीय सुरक्षेच्या दृष्टीनेही महत्वाचे धागेदोरे मिळण्याची शक्यता आहे.
