शिवाजी पार्कवर उद्धव ठाकरेंचाच आवाज घुमणार !

दरवर्षीप्रमाणे यंदाही राज्याच्या कानाकोपर्‍यातून शिवसैनिक हे भाषण ऐकण्यासाठी मोठ्या संख्येने येण्याची शक्यता आहे. विशेष म्हणजे, महापालिका निवडणुकीच्या तोंडावर हा मेळावा होत असल्याने यातून उद्धव ठाकरे काय भूमिका मांडणार आणि शिवसैनिकांना काय मार्गदर्शन करणार, याकडे राजकीय वर्तुळाचे लक्ष लागले आहे.

शिवसेनेच्या स्थापनेपासून दरवर्षी शिवाजी पार्कवर शिवसेनेचा दसरा मेळावा होतो पण शिवसेनेच्या फुटीनंतर या ठिकाणी मेळावा घेण्यासाठी शिंदे गटानेही परवानगी मागितली होती त्यामुळे गेल्या तीन वर्षांपासून या मैदानावरील मेळाव्यासाठी दोन्ही गटांमध्ये रस्सीखेच होताना दिसते. यंदा मात्र यावर जास्त काही वाद न होता, हे मैदान उद्धव ठाकरेंच्या शिवसेनेला मिळणार आहे. तर शिंदेंचा मेळावा हा आझाद मैदानावर होणार आहे.