गणेश वाघ
Bribe of Rs. 7,000 was taken : ACB arrests bribe-taker from Dhule Municipal Corporation धुळे (11 सप्टेंबर 2025) : धुळे महापालिकेतील स्वच्छता कर्मचार्‍याचा पगार नियमित काढण्यासाठी तडजोडीअंती सात हजारांची लाच स्वीकारताना धुळे महापालिकेतील आरोग्य विभागातील मुकडदमाला धुळे एसीबीने अटक केली आहे. रवींद्र शामराव धुमाळ (रा.मोहाडी, ता.धुळे) असे अटकेतील आरोपीचे नाव आहे. या कारवाईने लाचखोरांच्या गोटात प्रचंड खळबळ उडाली आहे.
असे आहे लाच प्रकरण
तक्रारदार हे धुळे महापालिकेत सफाई कर्मचारी म्हणून कार्यरत आहेत तर त्यांचे मुकडदम म्हणून आरोपी रवींद्र धुमाळ आहेत. दैनंदीन हजेरी स्वच्छता निरीक्षकाकडे पाठवण्याचे काम मुकडदमाकडे असून तक्रारदाराचा ऑगस्टचा पगार अदा झाल्यानंतर ड्युटीवर असताना पगार काढल्याच्या मोबदल्यात आठ हजार द्यावे लागतील व त्यानंतरच पुढच्या महिन्याचा पगार निघेल, असे धुमाळ यांनी बजावल्यानंतर गुरुवार, 13 रोजी बजावल्यानंतर धुळे एसीबीकडे तक्रार नोंदवण्यात आली.
एसीबीने लाच पडताळणी केल्यानंतर आरोपीला सात हजारांची लाच घेताच पकडण्यात आले.
धुळे एसीबीचे डॅशिंग पोलिस उपअधीक्षक सचिन साळुंखे यांच्या नेतृत्वात पोलिस निरीक्षक यशवंत बोरसे व सहकार्‍यांनी हा सापळा यशस्वी केला.
