Burglary in Nehru Nagar, Jalgaon: Property worth Rs 35 thousand looted जळगाव (20 सप्टेंबर 2025) : नेहरू नगरातील वृध्दाच्या घरातून चांदीचे दागिन्यांसह 35 हजारांचा ऐवज लांबवण्यात आला. घरफोडी घटना बुधवार, 17 सप्टेंबर रोजी पहाटे साडेसहा वाजता समोर आली. याबाबत गुरुवार, 18 सप्टेंबर रोजी दुपारी चार वाजता एमआयडीसी पोलिसात गुन्हा दाखल करण्यात आला.
काय घडले जळगाव शहरात
जळगाव शहरातील नेहरू नगरात 70 वर्षीय वृध्द पदमसिंग रामलाल राजपूत हे आपल्या परिवारासह वास्तव्याला आहे. बुधवार, 17 सप्टेंबर रोजी मध्यरात्री दीड ते पहाटे साडे सहा वाजेच्या दरम्यान त्यांच्या राहत्या घराच्या मेन गेटला बाहेरून कडी लावून बाहेर गेले होते. याच संधीचा फायदा घेत अज्ञात चोरट्यांनी त्यांच्या घराचा दरवाजा उघडून आत प्रवेश केला. चोरट्यांनी थेट वरच्या मजल्यावर असलेल्या त्यांच्या मुलीच्या बेडरूममधील लाकडी कपाटात ठेवलेले 35 हजार रूपये किंमतीचे चांदीचे दागिने चोरून नेले.
चोरीला गेलेल्या वस्तूंमध्ये लहान मुलांच्या हातातील चांदीचे कडे, तीन चांदीचे जोड, क्रिस्टलचे मोकळे साडे आणि पायातील चांदीचे पैंजण यांचा समावेश आहे. दरम्यान घरात चोरी झाल्याचे लक्षात आल्यानंतर त्यांनी गुरूवार, 18 सप्टेंबर रोजी दुपारी चार वाजता एमआयडीसी पोलीस ठाण्यात धाव घेतली. त्यानुसार अज्ञात चोरट्यांविरोधात गुन्हा दाखल करण्यात आला. तपास पोलिस उपनिरीक्षक चंद्रकांत धनके करीत आहे.
