अमळनेरात रेल्वे कर्मचार्याकडे दरोडा : भल्या पहाटे चाकूच्या धाकावर अडीच लाखांचा ऐवज लुटला
Railway employee robbed at knifepoint in Amalner : Rs 2.5 lakh looted अमळनेर (26 सप्टेंबर 2025) : अमळनेरातील रेल्वे कर्मचार्याकडे भल्या पहाटे दरोडा पडल्याने शहरात मोठी खळबळ उडाली आहे. दरोडेखोरांनी चाकूचा धाक दाखवत सुमारे पाच तोळे सोने व 35 हजारांची रोकड मिळून दोन लाख 39 हजारांचा ऐवज लूटला. हा दरोडा गुरुवार, 25 सप्टेंबर रोजी पहाटे पाच वाजेच्या सुमारास पडला.
काय घडले अमळनेर शहरात ?
अमळनेरच्या अयोध्या नगर, बंगाली फाईल भागात दीपक पुंडलिक पाटील हे वास्तव्याला असून ते रेल्वेत तांत्रिक म्हणून नोकरीला आहेत. गुरुवारी पहाटे पाच वाजता ते नोकरीला जायला निघाताच त्यांच्या घरात चार अज्ञात चोरट्यांनी हातात चाकु घेऊन प्रवेश केला. घरातील लिलाश्री दीपक पाटील व त्यांचा मुलगा नैतीक यांना चाकूचा धाक दाखवत घरातील सामान अस्ताव्यस्त करून कपाटातील 35 हजारांची रोकड एक लाख 20 हजर रुपये किंमतीच्या चार तोळे वजनाच्या सोन्याच्या बांगड्या, आठ ग्रॅम वजनाच्या व 24 हजार रुपये किंमतीच्या सोन्याच्या दोन अंगठ्या, 30 हजार रुपये किंमतीची व एक तोळा वजनाची सोन्याची माळ हिसकावून पळ काढला.
पोलिसांची धाव
भल्या पहाटे पडलेल्या दरोड्यानंतर अमळनेर विभागाचे पोलिस उपअधीक्षक विनायक कोते, अमळनेर पोलिस निरीक्षक दत्तात्रय निकम, पोलिस उपनिरीक्षक नामदेव बोरकर, हेड कॉन्स्टेबल मिलिंद सोनार, विनोद संदानशीव, उदय बोरसे, प्रशांत पाटील, गणेश पाटील, विनोद सोनवणे, सुनील पाटील यांनी घटनास्थळी भेट दिली. ठसे तज्ज्ञांना ठसे टीपण्याचा प्रयत्न केला. लिलाश्री दीपक पाटील (43, अयोध्या नगर, अमळनेर) यांच्या फिर्यादीवरून गुन्हा दाखल करण्यात आला.
